टी-20 वर्ल्डकप 2026 स्पर्धेत भारताने दिमाखदार कामगिरी करत पुन्हा एकदा (Team India) विजेतेपद पटकावले. या ऐतिहासिक विजयासह टीम इंडियाने सलग दुसऱ्या वर्षी आणि एकूण तिसऱ्यांदा टी-20 विश्वचषक जिंकण्याचा मान मिळवला. या यशामध्ये Sanju Samson याची भूमिका अत्यंत महत्त्वाची ठरली. स्पर्धेच्या निर्णायक टप्प्यात त्याने सलग तीन सामन्यांत अर्धशतक झळकावत संघाला विजयाच्या मार्गावर नेले. विशेष म्हणजे हे तिन्ही सामने करो किंवा मरो अशा परिस्थितीत खेळले गेले होते, त्यामुळे त्याच्या धाडसी फलंदाजीचे सर्वत्र कौतुक होत आहे.
स्पर्धेच्या सुरुवातीला मात्र संजू सॅमसनला (Team India) प्लेइंग इलेव्हनमध्ये स्थान मिळत नव्हते आणि त्याला बेंचवर बसावे लागत होते. मात्र सुपर-८ फेरीत South Africa national cricket team विरुद्धच्या सामन्यात भारताचा पराभव झाल्यानंतर संघ व्यवस्थापनाने त्याला संधी दिली. या संधीचे सोने करत त्याने जबरदस्त खेळी करत संघात आपले स्थान पक्के केले. संपूर्ण स्पर्धेत त्याने पाच सामन्यांत प्रभावी कामगिरी करत ‘प्लेयर ऑफ द सिरीज’ हा मानही पटकावला.
दरम्यान, भारताचा (Team India) माजी क्रिकेटपटू Mohammad Kaif यांनी संजू सॅमसनकडे टी-20 संघाचे कर्णधारपद सोपवण्याची मागणी केली आहे. एका युट्यूब चॅनेलला दिलेल्या मुलाखतीत बोलताना त्यांनी सांगितले की, जर सध्याचा कर्णधार Suryakumar Yadav भविष्यात कर्णधारपद सोडणार असेल, तर नेतृत्वासाठी संजू सॅमसन हा योग्य पर्याय ठरू शकतो. त्यांच्या मते, कर्णधारामध्ये संघातील प्रत्येक खेळाडूचे महत्त्व ओळखण्याची क्षमता असावी. तसेच फॉर्मात नसलेल्या खेळाडूंना प्रोत्साहन देत त्यांचा आत्मविश्वास वाढवण्याची जबाबदारीही कर्णधारावर असते. अपयश हा खेळाचा एक भाग असून ते समजून घेणारा कर्णधार संघासाठी अधिक फायदेशीर ठरतो, असेही कैफ यांनी नमूद केले.
सध्या सूर्यकुमार यादव 35 वर्षांचा असून पुढील ICC Men’s T20 World Cup 2028 पर्यंत तो 37 वर्षांचा होईल. त्यामुळे त्या वयात तो दीर्घकाळ नेतृत्व करेल का याबाबत काही प्रमाणात शंका व्यक्त केली जात आहे. या विश्वचषकात त्याच्या नेतृत्वाखाली भारताने विजेतेपद जिंकले असले तरी वैयक्तिक कामगिरी अपेक्षेप्रमाणे नव्हती. अंतिम सामन्यात तो शून्यावर बाद झाला होता. संपूर्ण स्पर्धेत त्याने 30.25 च्या सरासरीने 242 धावा केल्या.
दुसरीकडे, संजू सॅमसन सध्या 31 वर्षांचा असून त्याच्याकडे टी-20 क्रिकेटचा (Team India) मोठा अनुभव आहे. आयपीएलमध्ये Rajasthan Royals संघाचे नेतृत्व करताना त्याने कर्णधार म्हणून आपली क्षमता सिद्ध केली आहे. त्यामुळे भविष्यात भारतीय टी-20 संघाच्या नेतृत्वासाठी त्याचा गंभीरपणे विचार केला जाऊ शकतो. जर त्याने आपला सध्याचा फॉर्म आणि फिटनेस कायम ठेवला, तर तो टीम इंडियासाठी प्रभावी कर्णधार ठरू शकतो, अशी चर्चा क्रिकेट वर्तुळात सुरू झाली आहे.
हेही वाचा :
उन्हाळ्यात काळवंडलेल्या त्वचेला उजळवण्यासाठी वापरा घरगुती सिरम, बनवण्याची योग्य पद्धत काय?
10, 20 आणि 50 रुपयांच्या नोटांबाबत केंद्र सरकारचा मोठा निर्णय