मध्यपूर्वेत सुरू असलेल्या Iran–Israel conflict मुळे त्याची झळ आता (Iran-Israel conflict) भारतातही जाणवू लागली आहे. विशेष म्हणजे या युद्धाचा परिणाम थेट महाराष्ट्रातील सामान्य नागरिकांच्या दैनंदिन जीवनावर होत असल्याचे चित्र दिसत आहे. राज्यातील अनेक भागांत एलपीजी गॅस सिलिंडरचा तुटवडा निर्माण झाला असून किंमतीतही वाढ झाली आहे. काही ठिकाणी गॅस सिलिंडरचा काळाबाजार होत असल्याच्या तक्रारी समोर येत आहेत. कोकणापासून मराठवाड्यापर्यंत अनेक शहरांमध्ये नागरिकांना वेळेवर गॅस सिलिंडर मिळत नसल्याने अडचणींचा सामना करावा लागत आहे.
कोकणातील Ganpatipule Temple येथे गॅस टंचाईचा परिणाम धार्मिक व्यवस्थेवरही (Iran-Israel conflict) दिसून आला. मंदिरात दिला जाणारा लाडूचा प्रसाद काही काळासाठी बंद करण्यात आला आहे. गॅसची उपलब्धता कमी झाल्यामुळे प्रसाद तयार करणे कठीण झाले असल्याचे मंदिर व्यवस्थापनाने सांगितले आहे. दुसरीकडे मराठवाड्यातील Beed शहरात घरगुती गॅसचा व्यावसायिक वापर करणाऱ्यांविरोधात प्रशासनाने कडक कारवाई सुरू केली आहे. काही हॉटेलमध्ये कमर्शियल सिलिंडरऐवजी घरगुती गॅस वापरला जात असल्याची माहिती मिळाल्यानंतर पुरवठा विभागाने छापेमारी केली. या कारवाईत काही घरगुती सिलिंडर जप्त करण्यात आले असून तीन हॉटेल चालकांविरोधात Shivajinagar Police Station येथे फौजदारी गुन्हे दाखल करण्यात आले आहेत. या कारवाईमुळे शहरातील हॉटेल व्यावसायिकांमध्ये खळबळ उडाली आहे.
दरम्यान, पश्चिम महाराष्ट्रातील Sangli शहरातही (Iran-Israel conflict) प्रशासनाने विशेष तपासणी मोहीम राबवली आहे. युद्धजन्य परिस्थितीमुळे गॅसचा तुटवडा वाढू लागल्याच्या पार्श्वभूमीवर पुरवठा विभागाने अनेक हॉटेलच्या स्वयंपाकघरात जाऊन तपासणी केली. घरगुती सिलिंडरचा व्यावसायिक वापर रोखण्यासाठी सकाळपासून शहरातील ५० हून अधिक हॉटेलवर छापेमारी करण्यात आली.
विदर्भातील Akola येथेही परिस्थिती वेगळी नाही. मध्यपूर्वेतील तणावामुळे एलपीजी गॅसच्या पुरवठ्यावर परिणाम झाला असून काही पेट्रोल पंपांवर एलपीजी गॅसची तात्पुरती टंचाई निर्माण झाली आहे. काही ठिकाणी एलपीजी गॅस पंप बंद ठेवण्यात आले असून व्यवस्थापनाने ग्राहकांना परिस्थिती समजून घेण्याचे आवाहन केले आहे. परिस्थिती सुरळीत झाल्यानंतर गॅसचा पुरवठा पुन्हा पूर्ववत होईल, असेही सांगण्यात आले आहे.
उत्तर महाराष्ट्रातील Dhule येथे मात्र गॅस टंचाईचा फटका लग्नसमारंभांच्या (Iran-Israel conflict) व्यवसायाला बसताना दिसत आहे. जिल्ह्यात सुमारे २५० मंगल कार्यालये आणि लॉन्स असून एप्रिल-मे महिन्यात मोठ्या प्रमाणावर लग्नसोहळे बुक झाले आहेत. मात्र व्यावसायिक गॅस सिलिंडरचा पुरवठा कमी झाल्याने केटरर्स आणि मंगल कार्यालय चालकांसमोर मोठे संकट उभे राहिले आहे. लग्नसमारंभात जेवण बनवण्यासाठी आवश्यक गॅस उपलब्ध होणार का, असा प्रश्न संबंधित व्यावसायिकांकडून उपस्थित केला जात आहे.
एकूणच मध्यपूर्वेतील युद्धामुळे इंधन (Iran-Israel conflict) पुरवठा साखळीवर परिणाम होत असून त्याचे पडसाद महाराष्ट्रातील अनेक जिल्ह्यांत उमटताना दिसत आहेत. त्यामुळे सामान्य नागरिकांपासून ते धार्मिक स्थळे, हॉटेल व्यावसायिक आणि लग्नसमारंभ आयोजकांपर्यंत सर्वांनाच या परिस्थितीचा फटका बसत आहे.
हेही वाचा :
युद्धाचा मोठा फटका, शेअर मार्केट कोसळलं, गुंतवणूकदारांचं प्रचंड नुकसान
वाढत्या महागाईमुळे बचत कमी झाली, सामना कसा करायचा, जाणून घ्या
कर्जातून मुक्त व्हायचंय? मग करा वास्तुशास्त्रामधील हे सोपे उपाय, पैशांची चिंता होईल झटक्यात दूर