उन्हाळा सुरू होताच शरीर हायड्रेट ठेवण्यासाठी प्रत्येकजण वेगवेगळ्या (summer) थंड पेयांचा आधार घेतो. मात्र आजकाल केवळ पारंपरिक पेयांपुरतेच मर्यादित न राहता जगभरात विविध देशांच्या खाद्यसंस्कृतीकडे लोकांचा कल वाढताना दिसत आहे. विशेषतः कोरियन डाएट आणि लाईफस्टाईलला तरुणांमध्ये मोठी पसंती मिळत आहे. या ट्रेंडमुळे कोरियन खाद्यपदार्थांसोबतच तेथील आरोग्यदायी पेय देखील लोकप्रिय होत आहेत. नैसर्गिक घटकांपासून तयार होणारी ही पेयं शरीराला थंडावा देण्यासोबतच आरोग्यासाठीही फायदेशीर ठरतात.
कोरियामध्ये तयार (summer) होणारा बोक बुंजा ज्यूस काळ्या रास्पबेरीपासून बनवला जातो. अँटीऑक्सिडंट्सने भरपूर असलेले हे पेय शरीरातील विषारी पदार्थ बाहेर काढण्यास मदत करते आणि त्वचा निरोगी ठेवण्यास उपयुक्त मानले जाते. त्याचप्रमाणे कोरियन स्टाईलमध्ये बनवलेले कॉफी फ्लेवर दूधही खूप लोकप्रिय आहे. लहान मुलांपासून तरुणांपर्यंत सर्वांनाच हे पेय आवडते. थकवा दूर करून त्वरीत ऊर्जा देण्यास ते मदत करते.
कोरियातील आणखी एक खास पेय म्हणजे ओमिजा चहा. पाच वेगवेगळ्या (summer) चवी असलेल्या बेरीपासून तयार होणाऱ्या या हर्बल चहामध्ये आंबट, गोड, खारट, कडू आणि मसालेदार अशा विविध चवींचा संगम असतो. हा चहा रोगप्रतिकारक शक्ती वाढवण्यास आणि ताण कमी करण्यास मदत करतो असे मानले जाते. गोड आणि आंबट चवीच्या हिरव्या बेरीपासून बनणारा ग्रीन बेरी टी देखील उन्हाळ्यात शरीराला थंडावा देण्यासाठी लोकप्रिय आहे. हा चहा पचन सुधारण्यास मदत करतो.
याशिवाय कोरियामध्ये (summer) जवसापासून बनवला जाणारा चहा उन्हाळ्यात मोठ्या प्रमाणात पिण्यात येतो. कॅफिनमुक्त असलेले हे पेय शरीराला हायड्रेट ठेवण्यास मदत करते. भाजलेल्या मक्यापासून तयार होणारा कॉर्न टीही तेवढाच लोकप्रिय आहे. स्वादिष्ट असण्यासोबतच तो रक्तातील साखरेची पातळी नियंत्रित ठेवण्यास आणि पचन सुधारण्यास मदत करतो.
उन्हाळ्यात आल्याचा हलका मसालेदार चहा देखील शरीरासाठी फायदेशीर मानला जातो. तो शरीरातील विषारी पदार्थ बाहेर काढण्यास आणि रोगप्रतिकारक शक्ती मजबूत करण्यास मदत करतो. कोरियामध्ये केळीपासून बनवलेले फ्लेवर्ड दूधही खूप प्रसिद्ध आहे. विशेषतः लहान मुलांमध्ये या पेयाची मोठी क्रेझ आहे. हे दूध शरीराला ऊर्जा देण्यासोबतच पोटॅशियमसारखे पोषक घटकही पुरवते.
कोरफड जेलपासून बनवलेले पेयही कोरियन लाईफस्टाईलचा एक (summer) भाग मानले जाते. हे पेय त्वचेला शांतता देण्यास, पोटाला आराम मिळवून देण्यास आणि शरीरातील विषारी घटक बाहेर काढण्यास मदत करते असे सांगितले जाते. त्यामुळे या उन्हाळ्यात काहीतरी नवीन, चविष्ट आणि आरोग्यदायी पेय ट्राय करायचे असेल, तर ही कोरियन पेयं उत्तम पर्याय ठरू शकतात. ही पेयं शरीराला थंडावा देतातच, पण आरोग्यही चांगले ठेवण्यास मदत करतात.
हेही वाचा :
इराण–अमेरिका युद्धाचा फटका सामान्य जनतेला, हजारो कामगारांची नोकरी जाणार? गॅस टंचाईमुळे उद्योग संकटात
सावधान! LPG गॅस कनेक्शनच्या नावाखाली मोठा फ्रॉड, चार दिवसात सायबर भामट्यांचा नागरिकांना लाखोंचा गंडा
सिलेंडरनंतर आता बाटलीबंद पाणीही मिळणं होणार मुश्किल; भारतासमोर नवं संकट?