धुरंधर: द रिव्हेंज या बहुचर्चित चित्रपटाने रिलीजच्या पहिल्याच दिवशी बॉक्स (anticipated film) ऑफिसवर जोरदार धमाका केला आहे. 18 मार्च रोजी झालेल्या पेड प्रीव्ह्यूमधूनच चित्रपटाने मोठी कमाई करत प्रेक्षकांची उत्सुकता शिगेला पोहोचवली होती. त्यानंतर 19 मार्चपासून जगभरातील थिएटर्समध्ये प्रदर्शित झाल्यावर या चित्रपटाला प्रेक्षक आणि समीक्षकांकडून उत्स्फूर्त प्रतिसाद मिळताना दिसत आहे. थिएटर्समध्ये सकाळच्या पहिल्याच शोपासून हाऊसफुल्ल बोर्ड झळकत असून, अनेक शहरांमध्ये तिकीटांसाठी लांबच लांब रांगा लागल्याचे चित्र आहे.
रणवीर सिंह यांच्या दमदार (anticipated film) अभिनयामुळे चित्रपटाची चर्चा आणखी रंगली आहे. अॅक्शन, ड्रामा आणि भावनिक ट्विस्टचा उत्तम मिलाफ असलेल्या या चित्रपटाने प्रेक्षकांना खिळवून ठेवले आहे. दिग्दर्शक आदित्य धर यांनी पहिल्या भागापेक्षा अधिक मोठ्या स्केलवर ही कथा साकारली असून, प्रत्येक सीनमध्ये भव्यता जाणवते. यामध्ये आर. माधवन, अर्जुन रामपाल, संजय दत्त आणि सारा अर्जुन यांच्या भूमिका देखील प्रेक्षकांचे लक्ष वेधून घेत आहेत.
पहिल्या भागानंतर या सिक्वेलबद्दल निर्माण झालेली उत्सुकता चित्रपटाच्या (anticipated film) ओपनिंग कलेक्शनमध्ये स्पष्टपणे दिसून येते. पेड प्रीव्ह्यूमधूनच सुमारे 43 कोटींची कमाई करत या चित्रपटाने विक्रम प्रस्थापित केला आहे. ट्रेड विश्लेषकांच्या मते, पहिल्याच दिवशी 100 कोटींचा टप्पा पार करण्याचीही शक्यता व्यक्त केली जात आहे, ज्यामुळे हा चित्रपट 2026 मधील सर्वात मोठ्या ओपनिंगपैकी एक ठरू शकतो.
दरम्यान, चित्रपटाच्या (anticipated film) ओटीटी रिलीजबाबतही मोठी चर्चा सुरू आहे. पहिला भाग ज्या Netflix वर प्रदर्शित झाला होता, त्याऐवजी यावेळी सिक्वेलचे डिजिटल हक्क JioHotstar ने विकत घेतले आहेत. तब्बल 150 कोटी रुपयांच्या या डीलमुळे इंडस्ट्रीत खळबळ उडाली आहे. अधिकृत रिलीज तारीख जाहीर झाली नसली तरी, चित्रपट थिएटरमध्ये प्रदर्शित झाल्यानंतर 45 ते 60 दिवसांच्या आत म्हणजेच जूनच्या दुसऱ्या आठवड्यापर्यंत तो ओटीटीवर येण्याची शक्यता वर्तवली जात आहे.
एकूणच, ‘धुरंधर: द रिव्हेंज’ने बॉक्स ऑफिससह डिजिटल प्लॅटफॉर्मवरही मोठी छाप सोडण्याची चिन्हे स्पष्टपणे दिसत असून, आगामी काही दिवसांत या चित्रपटाचे आणखी विक्रम मोडण्याची शक्यता नाकारता येत नाही.
हेही वाचा :
रोहित शर्मा किंवा एमएस धोनी नाही तर हा आहे आयपीएलचा बेस्ट कर्णधार, आकडेवारी वाचा
मोठी बातमी! अली लारीजानी यांच्या हत्येनंतर रशियाचा संयम सुटला, पुतीन संतापले, अमेरिका-इस्रायलवर…
संपत्ती दिली नाही तरी चालेल, पण प्रत्येक आई वडिलांनी आपल्या मुलांना या दोन गोष्टी द्याव्याच