गुढीपाडव्याच्या उत्साहात देशभर सण साजरा होत असताना शेअर बाजारात (significant decline) मात्र मोठी घसरण पाहायला मिळाली. जागतिक पातळीवर कच्च्या तेलाच्या वाढत्या किंमतींमुळे गुंतवणूकदारांमध्ये भीतीचे वातावरण निर्माण झाले आणि त्याचा थेट परिणाम भारतीय बाजारावर दिसून आला. दिवसभर विक्रीचा दबाव कायम राहिल्याने बाजाराला सावरण्याची संधीच मिळाली नाही.
गुरुवारी व्यवहाराच्या अखेरीस सेन्सेक्स तब्बल २,४९६.८९ अंकांनी घसरून ७४,२०७.२४ वर बंद झाला, तर निफ्टीनेही मोठी घसरण नोंदवत ७७५.६५ अंकांनी खाली येत २३,००२.१५ वर स्थिरावला. विशेषतः बँकिंग क्षेत्रात मोठा ताण दिसून आला असून निफ्टी बँक निर्देशांक जवळपास २००० अंकांनी कोसळला. या घसरणीमुळे गुंतवणूकदारांचे कोट्यवधी रुपयांचे नुकसान झाले आहे.
तज्ञांच्या मते, कच्च्या तेलाच्या (significant decline) किंमतींमध्ये झालेली तीव्र वाढ, जागतिक आर्थिक अनिश्चितता आणि परदेशी गुंतवणूकदारांची सततची विक्री यामुळे बाजारावर दबाव वाढला आहे. गेल्या काही महिन्यांपासून बाजारात असलेली तेजी अचानक खंडित झाल्याने गुंतवणूकदार सावध झाले आहेत. विशेष म्हणजे, निफ्टी ५० मध्ये जून २०२४ नंतरची ही सर्वात मोठी घसरण मानली जात आहे.सणाच्या दिवशीच बाजारात आलेल्या या मोठ्या पडझडीमुळे गुंतवणूकदारांमध्ये चिंता वाढली असून पुढील काही दिवस बाजाराची दिशा कच्च्या तेलाच्या किंमती आणि जागतिक घडामोडींवर अवलंबून राहणार असल्याचे चित्र आहे.
हेही वाचा :
रोहित शर्मा किंवा एमएस धोनी नाही तर हा आहे आयपीएलचा बेस्ट कर्णधार, आकडेवारी वाचा
मोठी बातमी! अली लारीजानी यांच्या हत्येनंतर रशियाचा संयम सुटला, पुतीन संतापले, अमेरिका-इस्रायलवर…
संपत्ती दिली नाही तरी चालेल, पण प्रत्येक आई वडिलांनी आपल्या मुलांना या दोन गोष्टी द्याव्याच