नाशिकमध्ये उघडकीस आलेल्या स्वयंघोषित कॅप्टन आणि ज्योतिषी म्हणून (self-proclaimed) वावरणाऱ्या अशोक खरात प्रकरणाने राज्यात मोठी खळबळ उडवली आहे. महिलांवर अत्याचार, त्याचे व्हिडिओ रेकॉर्डिंग करून ब्लॅकमेलिंग, तसेच अंधश्रद्धेच्या नावाखाली आर्थिक फसवणूक अशा गंभीर आरोपांमुळे हे प्रकरण अधिकच संवेदनशील बनले आहे. गेल्या आठवड्यात झालेल्या अटकेनंतर विशेष तपास पथक (एसआयटी) या संपूर्ण रॅकेटचा तपास करत असून दररोज नवे धक्कादायक तपशील समोर येत आहेत.
तपासादरम्यान आता राजकीय वर्तुळाशी (self-proclaimed) संबंधित एक महत्त्वाचा धागा समोर आला आहे. खरातच्या ‘विशेष भक्त परिवारात’ एका आमदाराच्या पत्नीचा समावेश असल्याची चर्चा जोर धरत आहे. संबंधित महिला नाशिकमधील कॅनडा कॉर्नर परिसरात असलेल्या त्याच्या कार्यालयात वारंवार जात होती, अशी माहिती तपास यंत्रणांना मिळाल्याचे समजते. एवढेच नव्हे तर त्याच्या इशान्येश्वर मंदिरातही तिने काही धार्मिक विधी केल्याचे समोर येत आहे.
या प्रकरणात अद्याप अधिकृतरीत्या कोणतेही नाव जाहीर करण्यात आलेले नसले तरी या घडामोडींमुळे राजकीय क्षेत्रात तणाव निर्माण झाला आहे. तपास जसजसा पुढे सरकत आहे, तसतसे या प्रकरणाचे धागेदोरे केवळ एका व्यक्तीपुरते मर्यादित नसून, उच्चभ्रू कुटुंबे, प्रशासन आणि राजकारणाशी जोडले गेले असल्याचे संकेत मिळत आहेत. त्यामुळे पुढील काही दिवसांत आणखी मोठे खुलासे होण्याची शक्यता व्यक्त केली जात आहे.
हेही वाचा :
ठाणे हादरलं, वर्गणीच्या वादातून डायरेक्ट एकाच्या डोक्यात चॉपरने वार