मुंबईतील माटुंगा रेल्वे कारशेड येथे मध्य रेल्वेच्या एका डब्याला लागलेल्या (incident) भीषण आगीमुळे एकच खळबळ उडाली. दुपारच्या सुमारास सुरू असलेल्या दुरुस्तीच्या कामादरम्यान ही घटना घडली असून, काही क्षणातच संपूर्ण डबा आगीच्या भक्ष्यस्थानी सापडला.
प्राथमिक (incident) माहितीनुसार, छत्रपती शिवाजी महाराज टर्मिनस (CSMT) बाजूच्या शौचालयात वेल्डिंगचे काम सुरू होते. यावेळी उडालेल्या ठिणग्यांनी जवळच ठेवलेल्या ज्वलनशील साहित्याला आग लागली आणि काही क्षणातच आगीने भीषण रूप धारण केले. डब्यातून मोठ्या प्रमाणात धूर निघत असल्याने परिसरात भीतीचे वातावरण निर्माण झाले. घटनेची माहिती मिळताच अग्निशमन दलाच्या गाड्या तातडीने घटनास्थळी दाखल झाल्या. रेल्वे कर्मचाऱ्यांनी प्रसंगावधान राखत जळणारा डबा इतर डब्यांपासून दूर नेऊन मोकळ्या जागेत हलवला. त्यामुळे मोठा अनर्थ टळला आणि कारशेडमधील इतर डबे व यंत्रसामग्री सुरक्षित राहिली. जवळपास एका तासाच्या अथक प्रयत्नांनंतर आगीवर पूर्ण नियंत्रण मिळवण्यात यश आले.
या आगीत संबंधित डब्याचा मोठा भाग जळून खाक झाला असून नुकसान मोठ्या (incident) प्रमाणात झाल्याचे सांगितले जात आहे. सुदैवाने या घटनेत कोणतीही जीवितहानी झालेली नाही. मात्र ही आग नेमकी अपघाती होती की त्यामागे अन्य काही कारण आहे, याचा तपास सुरू आहे. मनसे कामगार सेनेने या घटनेवर संशय व्यक्त केल्याने प्रकरण अधिकच गाजण्याची शक्यता आहे.
हेही वाचा :
अजितदादांचा घातपात की अपघात, शरद पवारांनी पहिल्यांदाच केला मोठा खुलासा
बेपत्ता नवरा लवकरच घरी येईल, पूजा करण्याच्या नावाखाली भोंदूबाबाचा विवाहितेवर बलात्कार
मोठी बातमी! यापुढे डबल मिळणार गॅस सिलिंडर मिळणार