मुंबई – टीम इंडियाचे माजी फलंदाजी प्रशिक्षक संजय बांगर यांची मुलगी अनाया बांगर पुन्हा चर्चेत आली आहे. आधी पुरुष असलेल्या अनायाने लिंग बदलण्याच्या शस्त्रक्रियेनंतर ट्रान्सजेंडर महिला म्हणून स्वतःला ओळखले आहे. क्रिकेटपटू (Cricketer)असताना मुंबईसाठी विविध स्तरांवर खेळलेली अनाया आता एमएक्स प्लेअरवरील ‘राईज अँड फॉल’ रिअॅलिटी शोमध्ये सहभागी आहे. या शोमध्ये तिने तिच्या आयुष्याशी संबंधित मोठे खुलासे केले आहेत.
सोशल मीडियावर व्हायरल झालेल्या क्लिपमध्ये अनाया सांगते की तिला सतत लग्नाच्या प्रस्ताव येत असतात. “माझ्या इंस्टाग्रामवर आतापर्यंत 30,000 ते 40,000 लग्नाच्या मागण्या आल्या आहेत,” असे तिने स्पष्ट केले. काही संदेशांमध्ये तर “माझ्याशी लग्न कर, नाहीतर मी जील देईन” असे धमकीपूर्ण मेसेजेस देखील मिळत असल्याचे अनायाने सांगितले.
याआधी अनायाने एका क्रिकेटपटूबाबत धक्कादायक खुलासा केला होता की त्याने तिला अनुचित फोटो पाठवला, मात्र त्याचे नाव न घेता तिने हा अनुभव शेअर केला होता. अनाया जेव्हा पुरुष होती, तेव्हा ती सरफराज खान आणि यशस्वी जैस्वालसारख्या क्रिकेटपटूंशी खेळत असे.
अनायाचे वडील संजय बांगर हे भारतासाठी खेळलेल्या माजी क्रिकेटपटू(Cricketer) असून, त्यांनी भारतीय संघाचे प्रशिक्षक म्हणूनही काम केले आहे. त्यांनी आयपीएलमध्ये आरसीबी आणि पंजाबसारख्या संघांना प्रशिक्षण दिले आहे. अनाया सोशल मीडियावर सतत चर्चेत राहण्यासोबतच ट्रान्सजेंडर समुदायासाठीही प्रेरणादायक व्यक्तिमत्त्व ठरत आहे.
हेही वाचा :
पेन्शनधारकांसाठी आनंदाची बातमी…..
फेम गायकाचा स्कूबा डायव्हिंगवेळी अपघाती मृत्यू
80,000 अश्लील व्हिडीओ बनवले, प्रेग्नंट होताच..