इचलकरंजी (प्रतिनिधी) — इचलकरंजी शहरातील मुख्य रस्ते, उपरस्ते आणि गल्लीबोळांची अवस्था दिवसेंदिवस अत्यंत खराब होत चालली आहे(condition). खड्डेमय रस्ते, वाहतूक कोंडी, धूळ आणि पावसात तयार होणारे चिखलाचे डबके यामुळे नागरिकांचे हाल होत आहेत.या पार्श्वभूमीवर शहरातील नागरिकांनी एक थेट आणि उपरोधिक मागणी पुढे केली आहे — “महापालिकेचे आयुक्त, उपायुक्त, सहायक आयुक्त आणि बांधकाम अभियंता यांनी एक दिवस तरी आपल्या आलिशान सरकारी गाड्या सोडून, दोन चाकी वाहनावर बसून शहरात फेरफटका मारावा.”
नागरिकांचा आरोप आहे की अधिकारी वर्ग केवळ वातानुकूलित कारमधून कार्यालयात ये-जा करतात, त्यामुळे त्यांना शहराच्या वास्तविक समस्यांची कल्पना नाही. “एक दिवस तरी मोटारसायकलवर बसून शहरातील प्रमुख मार्ग व भागातील रस्त्यांवरून फिरले, तर त्यांना कळेल की इचलकरंजीतील सामान्य नागरिक दररोज कोणत्या त्रासातून जात आहेत,” असा सूर नागरिकांमध्ये आहे.
अनेक ठिकाणी रस्त्यांवर मोठमोठे खड्डे असून, पावसाळ्यात ते चिखलाने (condition)आणि पाण्याने भरतात. वाहनचालकांचा समतोल बिघडून अपघातांची शक्यता निर्माण होते. नागरिकांच्या मते, “महापालिका दरवर्षी कोट्यवधींचे अंदाजपत्रक मंजूर करते, पण प्रत्यक्षात रस्त्यांची कामे निकृष्ट दर्जाची केली जातात.”स्थानिक व्यापाऱ्यांनीही नाराजी व्यक्त करत सांगितले की, खराब रस्त्यांमुळे ग्राहक येण्यास टाळतात आणि व्यवसायावर परिणाम होतो. तर विद्यार्थ्यांना शाळा-काॅलेजला जाणे हेही संकटमय बनले आहे.सामाजिक संघटनांनी यावर जोरदार भूमिका घेत सांगितले — “अधिकाऱ्यांनी केवळ कागदावरच सर्व काही सुरळीत दाखवण्यापेक्षा प्रत्यक्ष शहरात उतरून पाहावे. दोन चाकीवरून फेरी मारली तर जनतेच्या वेदना समजतील.”
हेही वाचा :
आजची त्रिपुरारी पौर्णिमा ‘या’ राशींसाठी भाग्यशाली
कांदा न खाल्ल्याने होतात ‘हे’ गंभीर आजार?
ड्रॅगन फ्रुट खाण्याचे ‘हे’ आहेत आरोग्यदायी फायदे…