बिहारमध्ये सध्या विधानसभा निवडणुका सुरु आहेत. या निवडणुकीचा पहिला टप्पा पार पडला असून दुसऱ्या टप्पयासाठी राजकीय नेत्यांनी (political)आता प्रचार करायला सुरुवात केली आहे. अशातच सोशल मीडियावर आता या प्रचाराचा मजेशीर व्हिडिओ समोर आला आहे, ज्यात एक राजकीय नेता मतांसाठी प्रचार करताना दिसून आला. नेता स्टेजवर उभा राहून लोकांसमोर भाषण देत असतो आणि यावेळी तो मतदारांकडून मतांसाठी मागणी करत असतो. यासाठी चक्क भीक मागण्याप्रमाणे मतांसाठी आपली झोळी पुढे केली ज्यानंतर वृद्ध व्यक्तीने असं काही केलं जे पाहून सर्वांनाच हसू फुटलं. या दृश्यांचा मजेशीर व्हिडिओ इंटरनेटवर शेअर करण्यात आला आहे. चला काय घडलं यात ते जाणून घेऊया.
व्हिडिओमध्ये नेता त्याच्या काही कार्यकर्त्यांसोबत(political) स्टेजवर उभा असतो. तो भाषण करतो आणि मग आपली झोळी पसरून समोर उपस्थित असलेल्या लोकांकडे मतांची भीक मागतो. मतांसाठी त्याने केलेली ही पद्धत पुढे जाऊन त्याच्यावरच उलटते आणि एक वृद्ध व्यक्ती त्याच्या झोळीत येऊन 1 रुपयांचं नाणं आणून टाकतो. वृद्ध व्यक्तीची ही कृती सर्वांनाच थक्क करते आणि त्याचवेळी चेहऱ्यावर हसूही आणते. नेत्याची किंमत 1 रुपयांमध्ये मोजली गेली हे पाहून त्याला राग अनावर झाला आणि ते झोळीत टाकलेले हे नाणे लगेच फेकून दिले. ही सर्व घटना तेथील एका व्यक्तीने आपल्या फोनच्या कॅमेरात कैद केली आणि लगेच याचा व्हिडिओ इंटरनेटवर शेअर करण्यात आला. घटनेतील ही दृश्ये पाहून फक्त युजर्सनाच नाही तर तिथे उपस्थित असलेल्या सर्वांनाच हसू फुटलं.
हा व्हिडिओ @laughtercolours या इंस्टाग्राम अकाऊंटवरून शेअर करण्यात आला आहे.व्हिडिओला आतापर्यंत लाखो व्युज मिळाल्या असून हजारो युजर्सने व्हिडिओवर कमेंट करत यावर आपल्या प्रतिक्रिया व्यक्त केल्या आहेत. एका युजरने लिहिले आहे, “काका 10 रुपये टाकायला हवे होते” तर दुसऱ्या युजरने लिहिले आहे, “आधी ते मत मागतात, पैसे मागतील, जर पैसे दिले नाहीत तर ते घर आणि दुकाने पाडतील.” आणखीन एका युजरने लिहिले आहे, “बिहारमध्ये आयुष्य हे पंचायत सिरीजसारखे झाले आहे, बरोबर?”.
हेही वाचा :
मोबाईल वापरकर्त्यांनो तुम्हालाही ‘हा’ मेसेज आला तर सावध व्हा
दिल्ली “10/11′ चा हल्ला तपास ऑपरेशन””डॉक्टर””
रिझर्व बँक ऑफ इंडियाचा मोठा निर्णय! सर्वसामान्यांसाठी ‘हे’ नवीन नियम लागू होणार