नात्याला कलंक लावणारी एक धक्कादायक घटना समोर आली आहे.(evil)एका खासगी शाळेत प्रिन्सिपल पदावर कार्यरत असणाऱ्या महिलेने आपल्या सासऱ्यावर गंभीर आरोप केले आहेत. तिने पोलीसात धाव घेतली आहे. महिलेने पोलीस स्टेशनमध्ये नोंदवलेल्या तक्रारीनुसार मागच्या सहा वर्षांपासून तिचं वारंवार लैंगिक शोषण सुरु होतं. पीडित महिला 2007 पासून शिक्षण क्षेत्रात सक्रीय आहे. सासऱ्याने केवळ लैंगिक शोषणच केलं नाही, तर शारीरिक दृष्ट्या तिचा छळही केला. पोलिसांनी एफआयआर नोंदवून प्रकरणाचा पुढील तपास सुरु केलाय. उत्तर बंगळुरुमधील हे प्रकरण आहे.
लग्नानंतर सुरुवातीची काही वर्ष कुठलीही अडचण नव्हती.(evil) पण आरोपीने वर्ष 2020 पासून तिच्यासोबत वाईट व्यवहार सुरु केला. त्यावेळी कुटुंब एकच अपार्टमेन्ट कॉम्पलेक्समध्ये रहायचं. महिलेच म्हणणं आहे की, ज्यावेळी ती घरात एकटी असायची. त्यावेळी आरोपी घरात घुसून तिच्याशी चुकीच वर्तन करायचा असा पीडित महिलेचा आरोप आहे.पीडित महिलेने FIR मध्ये म्हटलय की, या प्रकाराबद्दल कुठे वाच्यता केली, तर तुझ्या मुलांचं वाईट करेन अशी आरोपी सासऱ्याकडून वारंवार धमकी दिली जायची. भिती पोटी महिला शांत राहिली. परिस्थिती बदलेल अशी तिला अपेक्षा होती. पण शोषण सुरुच राहिलं. अखेर तिने एकदिवशी हिम्मत करुन सर्वकाही पतीला सांगितलं. कुटुंबातील मोठ्यांनी यात हस्तक्षेप केला. आरोपीला इशारा दिला. त्यानंतर काही काळासाठी आरोपीचं असं वागणं बंद झालं. तक्रारदार महिलेने सांगितलं की, आरोपीने नंतर पुन्हा त्रास द्यायला सुरुवात केली.
आरोपी सासऱ्याने अनेकदा स्वत:च्या हाताने लिहिलेली पत्र तिला दिली.(evil) यात खूप घाणेरडा मजकूर असायचा. ते पत्र वाचल्यानंतर तो परत घ्यायचा.आरोपीचं असं वागणं 2020 ते डिसेंबर 2025 पर्यंत सुरुच होतं असा महिलेने आरोप केलाय. 15 डिसेंबर 2025 रोजी सकाळी 7.30 वाजता महिला बाहेर निघत होती. त्यावेळी आरोपीने अपार्टमेन्टच्या लिफ्टजवळ पुन्हा तिला शारीरिक त्रास देण्याचा प्रयत्न केला. तिने विरोध केल्यानंतर आरोपी पोटात बुक्का मारुन पळून गेला, असा महिलेचा आरोप आहे. पोलिसांनी एफआयआर नोंदवला आहे. यामध्ये सहभागी असलेल्या लोकांची चौकशी सुरु आहे. राज्य महिला आयोगाने सुद्धा या घटनेची गंभीर दखल घेतली आहे.
हेही वाचा :
पंचायत समितीच्या निवडणुकीत ड्रग्जचा वापर? कार्यकर्त्यांना ड्रग्ज दिलं; राष्ट्रवादीच्या नेत्याचा गंभीर आरोप
महाराष्ट्र पुन्हा हादरला! सहावीतील विद्यार्थ्यावर वर्गमित्रांकडून लैंगिक अत्याचाराचा प्रयत्न
विद्यार्थ्यांनो वर्षातील १६ सुट्ट्या रद्द; शिक्षण विभागाचा मोठा निर्णय!