Solapur मध्ये आज पहाटे घडलेल्या भीषण अपघाताने संपूर्ण शहर हादरले आहे. (horrific accident) शहरातील रुपाभवानी माता मंदिर परिसरात अज्ञात वाहनाच्या धडकेत तीन कॉलेज तरुणांचा दुर्दैवी मृत्यू झाला. पहाटे सुमारे चार वाजण्याच्या सुमारास ही घटना घडली. जोरदार धडक झाल्यानंतर मोठा आवाज झाला आणि परिसरातील नागरिक तत्काळ घटनास्थळी धावले.
जखमी अवस्थेत असलेल्या तिघांना स्थानिकांनी तातडीने रुग्णालयात हलवले; मात्र उपचारापूर्वीच डॉक्टरांनी त्यांना मृत घोषित केले. अंधाराचा फायदा घेत अज्ञात वाहनचालक घटनास्थळावरून फरार झाला असून पोलिसांसमोर आरोपीचा शोध घेण्याचे मोठे आव्हान उभे ठाकले आहे.
या अपघातात नागेश गवंडी, रोहन पोरे आणि बसवराज चनशेट्टी (horrific accident) या तिघांचा मृत्यू झाला. तिघेही एकाच गावचे आणि एकाच महाविद्यालयात शिक्षण घेत होते. त्यांच्या अकाली निधनामुळे परिसरात हळहळ व्यक्त केली जात आहे. विशेष म्हणजे मृतांपैकी एक तरुण गोसेवक म्हणून ओळखला जात असल्याने हा साधा अपघात आहे की घातपात, याबाबत विविध तर्कवितर्क लढवले जात आहेत. मात्र याबाबत अधिकृतरीत्या कोणतीही पुष्टी झालेली नाही.
घटनेची माहिती मिळताच पोलिसांनी घटनास्थळी धाव (horrific accident) घेऊन पंचनामा केला असून अज्ञात वाहनचालकाविरोधात गुन्हा दाखल करण्यात आला आहे. परिसरातील सीसीटीव्ही फुटेज आणि अन्य तांत्रिक पुराव्यांच्या आधारे तपास सुरू असल्याची माहिती सूत्रांनी दिली आहे.
तिघेही तरुण पहाटेच घराबाहेर पडले होते. एवढ्या लवकर ते कुठे आणि का निघाले होते, याबाबत स्थानिकांमध्ये चर्चा सुरू आहे. त्यांना कुणी बोलावले होते का, हा देखील तपासाचा भाग असणार आहे. या दुर्दैवी घटनेमुळे तिन्ही कुटुंबांवर दु:खाचा डोंगर कोसळला असून प्रकरणाची सखोल चौकशी करून सत्य समोर आणावे, अशी मागणी नागरिकांकडून केली जात आहे.
हेही वाचा :
महेंद्रसिंह धोनीवर मोठा अन्याय, सत्य समजताच येईल संताप, खळबळजनक माहिती समोर!
मोठी बातमी! बीजेपीचा बांगलादेशमध्ये झेंडा, लोकसभेची एक जागा जिंकली