लाडकी बहीण योजना ही राज्य सरकारची सर्वात लोकप्रिय योजनांपैकी एक योजना आहे.(amount) या योजनेअंतर्गत पात्र महिलांना दरमहा 1500 रुपयांची आर्थिक मदत दिली जात आहे. राज्यातील लाखो महिला या योजनेचा लाभ घेत आहेत. अशातच आता राज्य सरकारने लाडक्या बहिणींना गुड न्यूज दिली आहे. महिला आणि बालविकास मंत्री आदिती तटकरे यांनी ट्विट करून जानेवारीच्या हप्त्याबाबत महत्त्वाची माहिती दिली आहे. आदिती तटकरे यांनी आपल्या ट्विटमध्ये नेमकं काय म्हटलं याबाबत सविस्तर माहिती जाणून घेऊयात.
मंत्री आदिती तटकरे यांनी ट्विट करत म्हटले की, मुख्यमंत्री माझी लाडकी बहीण योजना (amount) जानेवारी महिन्याच्या सन्मान निधी वितरणाची प्रक्रिया सुरू! मुख्यमंत्री माझी लाडकी बहीण योजनेतील सर्व पात्र लाभार्थ्यांना जानेवारी महिन्याचा सन्मान निधी वितरित करण्याची तांत्रिक प्रक्रिया 23 फेब्रुवारी पासून सुरू करण्यात आली आहे. पुढील 2-3 दिवसांत सर्व पात्र लाभार्थ्यांच्या आधार संलग्न बँक खात्यात हा सन्मान निधी जमा होणार आहे.
आदिती तटकरे यांनी आपल्या ट्विटमध्ये पुढे म्हटले की, ‘महायुती सरकारचा दृढ निश्चय, माननीय मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री सुनेत्रा पवार यांचे सातत्यपूर्ण मार्गदर्शन व महाराष्ट्रातील लाडक्या बहिणींचा दृढ विश्वास या बळावर मुख्यमंत्री माझी लाडकी बहीण योजनेची दमदार वाटचाल यापुढेही अशीच सुरू राहणार हा मला विश्वास आहे.’
राज्यातील स्थानिक स्वराज्य संस्थांच्या निवडणुकींमुळे गेल्या काही (amount) महिन्यांपासून लाडक्या बहिणींना हप्ता मिळाला नव्हता, मात्र आता सरकारने जानेवारीचा हप्ता वितरीत करण्यास सुरुवात केली आहे. काही महिलांच्या खात्यावर पैसे जमा झाले असून उर्वरित महिलांना एक दोन दिवसांमध्ये पैसे मिळण्याची शक्यता आहे. अनेक महिला पात्र आहेत, मात्र त्यांनी केवायसी केली नसल्याने त्यांना पैसे मिळालेले नाहीत. त्यामुळे अनेक महिलांमध्ये नाराजी आहे. केवायसी अपडेट न केलेल्या महिलांनी तातडीने केवायसी करून घ्यावी असे आवाहन सरकारकडून करण्यात आले आहे.
हेही वाचा :
नोकरी बदलल्याने निष्क्रीय झालेल्या PF खात्यातील पैशांसंदर्भात सरकारचा मोठा निर्णय
हा देश म्हणजे हिऱ्याची खाण, भारताशी आहे खास नातं
जेवणाची योग्य वेळ काय? आरोग्याला कसा फायदा होणार जाणून घ्या