सोशल मीडियावर प्रसिद्धी मिळवण्यासाठी केलेल्या धोकादायक स्टंटमुळे (trigger)एका तरुणाचा जीव गेल्याची हृदयद्रावक घटना समोर आली आहे. दिल्लीतील दल्लूपुरा भागात ही दुर्घटना घडली असून, एका रीलचे चित्रीकरण करताना तरुणाने स्वतःवर गोळी झाडल्याने त्याचा जागीच मृत्यू झाला.दिल्ली मधील दल्लूपुरा परिसरात राहणारा पवन कुमार हा तरुण आपल्या चुलत भावासोबत व्हिडिओ शूट करत होता. या वेळी त्याच्या चुलत भावाकडे असलेले परवानाधारक पिस्तूल वापरून स्टंट करण्यात येत होते. चित्रीकरणादरम्यान पवनने पिस्तूलात मॅगझिन भरले आणि ते थेट आपल्या छातीवर ठेवले. यानंतर ट्रिगर दाबला गेला आणि गोळी थेट त्याच्या हृदयात घुसली. या गंभीर जखमेमुळे पवनचा जागीच मृत्यू झाला. या घटनेनंतर त्याला तातडीने धर्मशिला रुग्णालयात नेण्यात आले, मात्र डॉक्टरांनी त्याला रुग्णालयात दाखल करण्यापूर्वीच मृत घोषित केले.
या घटनेची माहिती मिळताच न्यू अशोक नगर पोलीस ठाणे येथील (trigger) पोलिसांनी तात्काळ तपास सुरू केला. घटनास्थळावरून एक परवानाधारक पिस्तूल, 10 जिवंत काडतुसे आणि एक मोबाईल फोन जप्त करण्यात आला आहे. फॉरेन्सिक आणि गुन्हे अन्वेषण पथकाने घटनास्थळाची पाहणी करून पुरावे गोळा केले.
तपासादरम्यान समोर आलेल्या व्हिडिओमधून पवनचा चुलत भाऊ हिमांशू (trigger) याच्यासोबत तो स्टंट करत असल्याचे स्पष्ट झाले. या संपूर्ण प्रकाराचा व्हिडिओ मोबाईलमध्ये सापडला असून, त्यावरून ही दुर्घटना चित्रीकरणाच्या वेळीच घडल्याचे समोर आले आहे. या प्रकरणी पोलिसांनी भारतीय दंड संहितेच्या कलम 105 अंतर्गत सदोष मनुष्यवध तसेच शस्त्र कायद्यांतर्गत गुन्हा नोंदवला आहे. एफआयआर क्रमांक 146/26 दाखल करण्यात आला असून मृतदेह एलबीएस रुग्णालय येथे शवविच्छेदनासाठी पाठवण्यात आला आहे. पुढील तपास सुरू आहे.
हेही वाचा :
धक्कादायक, लग्नास नकार दिल्याने तरुणीला एचआयव्हीचे इंजेक्शन दिले
भर उन्हाळ्यात कोल्हापुरात अवकाळी पाऊस; गारपीटीमुळे नुकसानाची शक्यता
संपूर्ण जग भीषण इंधन टंचाईत अडकलं, पण भारतानं करून दाखवलं, 7 सर्वात मोठ्या गुड न्यूज