शेअर बाजारात काही कंपन्या गुंतवणूकदारांना थक्क करून सोडतात (stock market) आणि CCL Products India Ltd ही त्यापैकीच एक ठरली आहे. शुक्रवारी या कंपनीच्या शेअरने जोरदार उसळी घेत थेट 1,105 रुपयांचा सर्वकालीन उच्चांक गाठला आणि बाजारात चर्चेचा विषय बनला. विशेष म्हणजे, एकेकाळी अवघ्या 5 रुपयांच्या आसपास व्यवहार करणारा हा शेअर आज हजाराच्या पुढे पोहोचला आहे, त्यामुळे दीर्घकालीन गुंतवणूकदारांसाठी हा खऱ्या अर्थाने मल्टिबॅगर ठरला आहे.
शुक्रवारी बाजार उघडल्यानंतर या शेअरमध्ये (stock market) सुरुवातीपासूनच तेजी दिसून आली. मागील सत्रात 1,034.30 रुपयांवर बंद झालेला हा स्टॉक उघडताच 1,049.30 रुपयांपर्यंत गेला आणि काही वेळातच त्याने 1,105 रुपयांचा नवा विक्रम नोंदवला. वाढत्या मागणीमुळे आणि कंपनीच्या मजबूत कामगिरीमुळे गुंतवणूकदारांचा या शेअरवरील विश्वास अधिकच दृढ झाल्याचे चित्र आहे.
दीर्घकालीन दृष्टीने पाहता, 2005 साली सुमारे 5.20 रुपयांवर (stock market) असलेला हा शेअर आज हजाराच्या पुढे पोहोचल्याने गुंतवणूकदारांना प्रचंड परतावा मिळाला आहे. सध्या कंपनीचे मार्केट कॅप सुमारे 14,000 कोटी रुपयांच्या आसपास पोहोचले असून, ती मध्यम आकाराच्या कंपन्यांमध्ये मजबूत स्थान मिळवताना दिसत आहे.
शेअरहोल्डिंग पॅटर्नकडे पाहिले असता, प्रमोटर्सकडे 46.11 टक्के हिस्सेदारी आहे. त्याचबरोबर देशांतर्गत आणि परदेशी गुंतवणूकदारांनीही या कंपनीवर मोठा विश्वास दाखवला आहे. सप्टेंबर 2025 मध्ये परदेशी गुंतवणूकदारांचा हिस्सा 10.53 टक्के होता, जो डिसेंबर 2025 पर्यंत वाढून 11.01 टक्क्यांवर पोहोचला आहे.
कॉफी क्षेत्रात काम करणारी (stock market) ही कंपनी मुख्यतः इन्स्टंट कॉफी उत्पादन आणि निर्यातीवर लक्ष केंद्रित करते. स्प्रे-ड्राईड, फ्रीज-ड्राईड, फिल्टर आणि फ्लेव्हर्ड कॉफी अशा विविध प्रकारच्या उत्पादनांमुळे कंपनीने जागतिक बाजारात स्वतःची वेगळी ओळख निर्माण केली आहे. वाढत्या जागतिक मागणीचा फायदा घेत कंपनी सातत्याने विस्तार करत असल्याने आगामी काळातही या शेअरकडे गुंतवणूकदारांचे लक्ष राहण्याची शक्यता आहे.
हेही वाचा :
ATM चा महत्त्वाचा नियम बदलला, पैसे काढताना खिशाला बसणार मोठी झळ; नवा नियम काय?
IPL 2026 स्पर्धेपूर्वीच चेन्नई सुपर किंग्सचं टेन्शन वाढलं, झालं असं की…
गुढीपाडव्याच्या दिवशीच शेअर बाजार कोसळला; ११.५ लाख कोटींचा चुराडा, २१ महिन्यांतील सर्वात मोठी घसरण