कार बंद केल्यानंतर USB पोर्टमध्ये चार्जर ठेवला तर बॅटरी संपते का? अनेक वाहनधारकांच्या मनात सतत पडणाऱ्या या प्रश्नाचं उत्तर आता स्पष्ट झालं आहे. (car drain) आधुनिक कारमधील तंत्रज्ञानामुळे या बाबतीत मोठा फरक पडतो आणि बहुतेक वेळा घाबरण्याचं कारण नसतं.
आजकालच्या नव्या गाड्यांमध्ये USB पोर्ट, इन्फोटेनमेंट सिस्टम आणि इतर इलेक्ट्रॉनिक फीचर्स अत्यंत स्मार्ट पद्धतीने काम करतात. तुम्ही कारचं इंजिन बंद केल्यानंतर काही मिनिटे USB पोर्ट सक्रिय राहतो, जेणेकरून तुम्ही सुरू असलेलं म्युझिक किंवा चार्जिंग अचानक बंद होऊ नये. मात्र साधारणपणे 5 ते 10 मिनिटांनंतर ही सिस्टम आपोआप बंद होते. (car drain) त्यामुळे USB पोर्टमध्ये चार्जर जोडलेला असला तरी तो बॅटरीमधून वीज घेणं थांबवतो आणि बॅटरी सुरक्षित राहते.कार चालू असताना अल्टरनेटर सतत बॅटरी चार्ज करत असतो, त्यामुळे फोन किंवा इतर डिव्हाइस चार्ज केल्याने बॅटरीवर अतिरिक्त ताण येत नाही. बॅटरीचं मुख्य काम इंजिन सुरू करणं असलं तरी ती इतर इलेक्ट्रिकल घटकांनाही आवश्यक वीज पुरवते.
तथापि, जुनी वाहने किंवा 12-व्होल्ट सॉकेट वापरणाऱ्या गाड्यांमध्ये थोडी काळजी घेणं गरजेचं आहे. काही कारमध्ये इंजिन बंद झाल्यानंतरही 12V पोर्ट सुरू राहू शकतो. अशावेळी जर अॅडॉप्टरचा इंडिकेटर लाईट सुरूच दिसत असेल, तर तो बॅटरीमधून वीज घेत आहे याचा अर्थ होतो. (car drain) अशा परिस्थितीत कार दीर्घकाळ पार्क करायची असल्यास चार्जर काढून ठेवणं अधिक सुरक्षित ठरतं.एकंदरीत, नवीन कारमध्ये USB पोर्टमुळे बॅटरी संपण्याचा धोका फार कमी असतो. तरीही सुरक्षिततेच्या दृष्टीने कार बंद करण्यापूर्वी चार्जर किंवा डिव्हाइस काढण्याची सवय ठेवली, तर भविष्यातील कोणताही धोका सहज टाळता येऊ शकतो.
हेही वाचा :
राज्य सरकारचा शेतकऱ्यांसाठी मोठा निर्णय! गव्हावरील किमान आधारभूत किंमत वाढवली
मोठं संकट ओढावणार ! पेट्रोल-डिझेलचे दर ५० ते ६० रूपयांनी महागणार ?
हार्दिक कॅप्टन्सी सोडणार अन् सूर्याकडे MI ची धुरा ?