माजी क्रिकेटरच्या मुलाचं परदेशात लिंग बदल, ‘तो’ फोटो करत म्हणाली, ‘एका रात्रीत काहीही…’

माजी भारतीय क्रिकेटपटू संजय बांगर यांची लेक अनाया बांगर सध्या (revealed) चर्चेच्या केंद्रस्थानी आली आहे. अनायाने स्वतःच्या आयुष्यातील अत्यंत वैयक्तिक आणि महत्त्वाचा टप्पा सर्वांसमोर मांडत, थायलंडमध्ये लिंग बदल शस्त्रक्रिया (gender reassignment surgery) पूर्ण केल्याचा खुलासा केला आहे. शस्त्रक्रियेनंतर रुग्णालयातील एक भावनिक फोटो शेअर करत तिने आपल्या दीर्घ आणि संघर्षमय प्रवासाबद्दल मनमोकळेपणाने लिहिले आहे.

अनायाने सांगितले की, हा प्रवास (revealed) केवळ तिच्यासाठीच नव्हे तर संपूर्ण कुटुंबासाठी आव्हानात्मक होता. स्वतःची ओळख समजून घेण्यापासून ते ती स्वीकारण्यापर्यंत अनेक टप्पे पार करावे लागले. कुटुंबालाही हे बदल समजून घेण्यासाठी आणि स्वीकारण्यासाठी वेळ लागला. “सर्व काही एका रात्रीत घडलं नाही,” असं ती म्हणते. या प्रवासात अनेक प्रश्न, गोंधळ आणि शिकण्याचे क्षण होते, पण आज ती ज्या ठिकाणी उभी आहे, तिथे पोहोचताना कुटुंबाच्या साथीनं तिला बळ दिलं.

तिने विशेषत: वडील संजय बांगर यांचा उल्लेख करत सांगितले की, त्यांचा पाठिंबा तिच्यासाठी सर्वात मोठी ताकद ठरला. सुरुवातीला हा स्वीकार सहज नव्हता, पण कालांतराने त्यांनी दिलेला निस्वार्थ आणि ठाम पाठिंबा तिच्या आयुष्यातील सर्वात महत्त्वाचा आधार बनला. “विकासासाठी वेळ लागतो, प्रेमासाठीही वेळ लागतो, पण जेव्हा ते मिळतं तेव्हा ते पूर्णपणे आपलं होतं,” अशा भावना तिने व्यक्त केल्या.

अनायाचा हा प्रवास आर्यन म्हणून सुरू झाला होता. क्रिकेट क्षेत्रात (revealed) नाव कमवावं, अशी अपेक्षा कुटुंबाची होती आणि तिने मुंबई अंडर-१६, पाँडिचेरी अंडर-१९ आणि मुंबई अंडर-२३ संघांसाठी खेळून स्वतःची ओळख निर्माण केली होती. मात्र, स्वतःची खरी ओळख स्वीकारण्यासाठी तिने 2023 मध्ये हार्मोन रिप्लेसमेंट थेरपी (HRT) सुरू केली आणि त्यानंतर तिच्या आयुष्यात मोठा बदल घडला.आज अनाया बांगर तिच्या नव्या ओळखीने आत्मविश्वासाने जगत आहे. सोशल मीडियावर ती सक्रिय असून, स्वतःचे अनुभव आणि भावना शेअर करत अनेकांसाठी प्रेरणादायी ठरत आहे. तिची ही पोस्ट सध्या मोठ्या प्रमाणावर व्हायरल होत असून, अनेकांनी तिच्या धैर्याचे आणि प्रामाणिकपणाचे कौतुक केले आहे.

हेही वाचा :

राज्य सरकारचा शेतकऱ्यांसाठी मोठा निर्णय! गव्हावरील किमान आधारभूत किंमत वाढवली

मोठं संकट ओढावणार ! पेट्रोल-डिझेलचे दर ५० ते ६० रूपयांनी महागणार ?

हार्दिक कॅप्टन्सी सोडणार अन् सूर्याकडे MI ची धुरा ?