अमेरिका, इस्रायल आणि इराण यांच्यात सुरू असलेल्या संघर्षाला आता (conflict) महिना उलटून गेला असला तरी परिस्थिती अजूनही तणावपूर्णच आहे. युद्ध थांबवण्यासाठी अनेक प्रयत्न होत असले तरी कोणताही देश माघार घेण्यास तयार नाही. अमेरिकेकडून इराणला 15 कलमी युद्धविराम प्रस्ताव पाठवण्यात आला होता, मात्र इराणने तो नाकारत उलट स्वतःचा 5 कलमी प्रस्ताव पुढे केला आहे. या राजनैतिक हालचाली सुरू असतानाच अमेरिकेने आखातात अतिरिक्त 3500 सैनिक तैनात करून आपली भूमिका अधिक आक्रमक केली आहे.
या संघर्षाच्या केंद्रस्थानी इराणकडे असलेला सुमारे 400 किलो युरेनियमचा साठा आहे. (conflict) आंतरराष्ट्रीय पातळीवर नैसर्गिक युरेनियमची किंमत तुलनेने कमी असली तरी त्यावर प्रक्रिया करून ते अधिक शुद्ध केल्यास त्याचे सामरिक महत्त्व आणि आर्थिक मूल्य दोन्ही प्रचंड वाढते. साधारणतः 60 टक्क्यांपर्यंत समृद्ध केलेले युरेनियम अत्यंत संवेदनशील मानले जाते आणि त्यावरून अण्वस्त्र निर्मितीची शक्यता वाढते.
आंतरराष्ट्रीय आण्विक ऊर्जा संस्था (conflict) यांच्या अंदाजानुसार, 400 किलो युरेनियममधून सैद्धांतिकदृष्ट्या अनेक अणुबॉम्ब तयार करण्याची क्षमता असू शकते. हाच मुद्दा अमेरिकेसाठी सर्वात मोठी चिंता ठरत आहे. इराणने अण्वस्त्रनिर्मितीच्या दिशेने पाऊल टाकू नये, यासाठी अमेरिकेकडून सातत्याने दबाव टाकला जात आहे. दुसरीकडे, इराण मात्र आपल्या अणुऊर्जा कार्यक्रमाचे समर्थन करत असून हा साठा राष्ट्रीय सुरक्षेसाठी आवश्यक असल्याचे सांगत आहे.
यामुळेच सध्या मध्यपूर्वेत तणावाची परिस्थिती अधिकच चिघळली असून, राजनैतिक चर्चांबरोबरच लष्करी हालचालींनाही वेग आला आहे. या संघर्षाचा परिणाम केवळ संबंधित देशांपुरता मर्यादित न राहता जागतिक अर्थव्यवस्था आणि इंधन बाजारावरही होत असल्याचे दिसून येत आहे.
हेही वाचा :
शाळांना २ मेपासून उन्हाळी सुटी; नवीन शैक्षणिक वर्ष १५ जूनपासून