नुकताच प्रदर्शित झालेला आणि प्रेक्षकांच्या पसंतीस उतरलेला ‘धुरंधर: द रिव्हेंज’ हा चित्रपट (its release) सध्या प्रचंड चर्चेत आहे. प्रदर्शनानंतर अवघ्या काही दिवसांतच या चित्रपटाने बॉक्स ऑफिसवर दमदार कामगिरी करत सुपरहिटचा दर्जा मिळवला आहे. अवघ्या ११ दिवसांत चित्रपटाने तब्बल ८४६.८७ कोटींची कमाई केली असून भारतातील एकूण ग्रॉस कलेक्शन १०११.९५ कोटी रुपयांवर पोहोचले आहे. या यशाच्या पार्श्वभूमीवर आता चित्रपट पायरेसीमुळे पुन्हा चर्चेत आला आहे.
मिळालेल्या माहितीनुसार, (its release) एका यूट्यूब चॅनेलवर ‘धुरंधर: द रिव्हेंज’चा पूर्ण पायरेटेड व्हर्जन अपलोड करण्यात आला होता. ही बाब समोर येताच प्रेक्षकांनी तात्काळ सोशल मीडियाच्या माध्यमातून दिग्दर्शक आदित्य धर यांना याची माहिती दिली. अनेकांनी संबंधित व्हिडिओ हटवण्याची मागणी करत यूट्यूबवर तक्रारीही नोंदवल्या.
प्रेक्षकांच्या सजगतेमुळे आणि मोठ्या प्रमाणात आलेल्या तक्रारींनंतर संबंधित पायरेटेड व्हिडिओ लगेचच हटवण्यात आला. दरम्यान, भारतात कॉपीराइट कायद्यांतर्गत चित्रपटांची पायरेसी हा गंभीर गुन्हा मानला जातो. परवानगीशिवाय चित्रपट डाउनलोड करणे, शेअर करणे किंवा अपलोड करणे यासाठी दंडासोबतच तुरुंगवासाची शिक्षा होऊ शकते.
विशेष म्हणजे, चित्रपट प्रदर्शित होण्यापूर्वीच दिग्दर्शक आदित्य धर यांनी प्रेक्षकांना (its release) पायरेसी टाळण्याचे आणि स्पॉइलर्स शेअर न करण्याचे आवाहन केले होते. त्यांनी चित्रपट निर्मितीसाठी संपूर्ण टीमने घेतलेली मेहनत अधोरेखित करत प्रेक्षकांनी त्याचा आदर करावा असेही सांगितले होते. मात्र, चित्रपट लीक झाल्याच्या घटनेमुळे चित्रपटसृष्टीत पुन्हा एकदा पायरेसीचा प्रश्न ऐरणीवर आला आहे.
हेही वाचा :
शाळांना २ मेपासून उन्हाळी सुटी; नवीन शैक्षणिक वर्ष १५ जूनपासून