राज्यातील स्थानिक स्वराज्य संस्थांच्या निवडणुकांनंतरही राजकीय हालचाली थांबलेल्या नाहीत. (political activities) उलट निकाल लागल्यानंतर पक्षांतरांच्या घडामोडींना अधिकच वेग आला असून अनेक नेते आपल्या राजकीय सोयीप्रमाणे नव्या वाटा निवडताना दिसत आहेत. या पार्श्वभूमीवर उपमुख्यमंत्री एकनाथ शिंदे यांच्या गटाला धाराशिव जिल्ह्यात धक्का बसल्याची चर्चा सुरू झाली आहे.
धाराशिवमधील (political activities) नाभिक सेनेचे खजिनदार अनिल शिंदे आणि मागासवर्गीय सेलचे तालुकाध्यक्ष बाळासाहेब समुद्रे यांनी शिंदे गटाची साथ सोडत स्वराज्य शक्ती सेना या पक्षात प्रवेश केला आहे. करुणा मुंडे यांच्या उपस्थितीत झालेल्या या पक्षप्रवेशामुळे स्थानिक राजकारणात नव्या चर्चांना उधाण आले आहे. या घडामोडींवर प्रतिक्रिया देताना करुणा मुंडे यांनी दावा केला की, संबंधित नेत्यांना शिंदे गटात अपेक्षित स्थान आणि न्याय मिळत नव्हता. तसेच त्यांना वरिष्ठ नेत्यांपर्यंत पोहोचता येत नसल्याने नाराजी वाढली आणि अखेर त्यांनी स्वराज्य शक्ती सेनेत प्रवेश करण्याचा निर्णय घेतला. त्यांच्या या वक्तव्यामुळे शिंदे गटातील अंतर्गत अस्वस्थतेबाबतही प्रश्न उपस्थित होऊ लागले आहेत.
दरम्यान, करुणा मुंडे या गेल्या काही काळापासून राज्याच्या राजकारणात सातत्याने (political activities) चर्चेत राहिल्या आहेत. त्यांनी १२ जानेवारी २०२४ रोजी स्वराज्य शक्ती सेनेची स्थापना केली होती. बीड येथे पक्षाचे मुख्य कार्यालय असून त्यांनी २०२४ च्या विधानसभा निवडणुकीतही सक्रिय सहभाग घेतला होता. परळी मतदारसंघातील अर्ज बाद झाल्यानंतर त्यांनी बीडमधून निवडणूक लढवली होती, मात्र त्यात त्यांना पराभवाचा सामना करावा लागला. तरीही, नव्या पक्षबांधणीच्या प्रयत्नांमुळे आणि अशा प्रकारच्या पक्षप्रवेशांमुळे करुणा मुंडे पुन्हा एकदा राजकीय केंद्रस्थानी येताना दिसत आहेत. धाराशिवमधील या घडामोडींचा आगामी राजकीय समीकरणांवर काय परिणाम होणार, याकडे आता सर्वांचे लक्ष लागले आहे.
हेही वाचा :
पाऊस थांबेना, शेतकरी राजा चिंतेत, आजही 8 जिल्ह्यांमध्ये गारपिटीचा थेट इशारा, पुढील
हनुमान जन्मोत्सवाच्या दिवशी नैवेद्यात या 5 गोष्टी करा अर्पण, जीवनातील सर्व अडथळे होतील दूर
पहिल्या फेरीनंतर पॉइंट्स टेबलमध्ये नंबर 1 कोण? मुंबई इंडियन्स या स्थानी