टाळेबंदीच्या वादात टीसीएसने केली मोठी घोषणा
टाळेबंदीच्या वादात, टीसीएसने घोषणा केली आहे की ते पुढील(TCS) तीन वर्षांत युनायटेड किंग्डममध्ये 5000 नवीन नोकऱ्या देणार आहे. यामुळं ब्रिटिश अर्थव्यवस्था आणखी मजबूत होईल. कंपनीने लंडनमध्ये आर्टिफिशियल इंटेलिजेंस एक्सपिरीयन्स झोन आणि डिझाइन स्टुडिओ देखील सुरू केला आहे, जो नवोपक्रम आणि ग्राहक सहकार्याला प्रोत्साहन देईल. टीसीएस गेल्या 50 वर्षांपासून यूकेमध्ये डिजिटल परिवर्तनाला पाठिंबा देत आहे आणि सध्या प्रत्यक्ष किंवा अप्रत्यक्षपणे तेथे सुमारे 42000 नोकऱ्यांना पाठिंबा देत आहे. लंडनमधील नवीन केंद्र टीसीएसच्या पासपोर्ट केंद्रांसारखेच आहे आणि न्यू यॉर्कमध्ये अलीकडेच उघडलेल्या डिझाइन स्टुडिओच्या मॉडेलनुसार तयार केले आहे.
150 वर्षांपासून, टाटा समूह उद्योजकता आणि सामाजिक सेवेत आघाडीवर
हे केंद्र यूकेमध्ये एआयला प्रोत्साहन देण्यासाठी विद्यापीठे, स्टार्टअप्स आणि प्रमुख उद्योग नेत्यांसोबत काम करेल. याबाबत मंत्री जेसन स्टॉकवुड यांनी टीसीएसचे कौतुक करताना म्हटले (TCS) आहे की, जवळजवळ 150 वर्षांपासून, टाटा समूह उद्योजकता आणि सामाजिक सेवेत आघाडीवर आहे. आता, पंतप्रधानांच्या भारत भेटीचा उत्सव साजरा करताना, आम्ही जुलैमध्ये स्वाक्षरी केलेल्या व्यापार कराराची पूर्तता करण्याची आमची वचनबद्धता पुन्हा व्यक्त केली आहे. या मोहिमेसाठी टीसीएस सारख्या कंपन्या महत्त्वाच्या आहेत, नोकऱ्या निर्माण करतात, लोकांच्या पैसे देतात आणि दोन्ही देशांच्या अर्थव्यवस्थांना चालना देतात.
टीसीएसच्या पुण्याच्या कार्यालयातील 2500 कर्मचाऱ्यांना कामावरुन कमी करण्यात आल्याचा दावा
देशातील सर्वात मोठी आयटी कंपनी टाटा कन्सलटन्सी सर्व्हिसेसमधील कर्मचारी कपातीचा जोरदार चर्चेत आहे. टीसीएसमधून मोठ्या प्रमाणात कर्मचारी कपात करण्यात येत असल्याच्या चर्चा आहेत. आयटी कर्मचाऱ्यांची संघटना नैसेंट इन्फॉर्मेशन टेक्नोलॉजी एम्प्लॉई सीनेट यांच्याकडून महाराष्ट्राचे मुख्यमंत्री देवेंद्र फडणवीस यांना ईमेल पाठवण्यात आल आहे. त्यामध्ये कंपनीकडून जबरदस्ती करत राजीनामे घेतले जात असल्याची तक्रार करण्यात येत आहे. टीसीएसच्या पुण्याच्या कार्यालयातील 2500 कर्मचाऱ्यांना कामावरुन कमी करण्यात आल्याचा दावा करण्यात येत आहे.
टीसीएसने दिलं स्पष्टीकरण
टीसीएसनं सर्व आरोप फेटाळले आहेत. कंपनीकडून जारी करण्यात आलेल्या वक्तव्यात म्हटलं की जी माहिती दिली जातेय ती चुकीची आणि भ्रामक आहे. आमच्या अलीकडील अभियानात केवळ मर्यादित संख्येत कर्मचाऱ्यांवर परिणाम झाला आहे. ज्यांच्यावर परिणाम झालाय, त्यांची पूर्ण देखभाल आणि सेवरेंस पॅकेज दिलं गेलं आहे, जे त्यांच्या अधिकारानुसार होतं.
हेही वाचा :
शेवग्याच्या शेंगांचं गिफ्ट, अजित पवारांनी हात जोडले अन् एकच हशा! म्हणाले, ‘बायकोला…’
आमदार राहुल आवाडे यांनी दिला गोरगरीब फेरिवाल्यांना दिलासा – दिवाळी बाजार पुन्हा सुरू!
सोने, चांदी आणि शेअर बाजारात गुंतवणूक कशी करावी?