उत्तराखंडमधील हरिद्वार येथील प्रसिद्ध मनसा देवी मंदिरात रविवारी सकाळी प्रचंड गर्दी जमल्यामुळे चेंगराचेंगरी झाली होती. ही घटना ताजी असतानाच आता पहिल्याचं श्रावणी सोमवारी उत्तर प्रदेशाच्या बाराबंकी शिवमंदिरात(Shiva temple) चेंगराचेंगरी झाली आहे. टीनच्या पत्राशेडवर विजेची तार पडल्याने ही दुर्घटना घडली आहे.
दुर्देवाने या घटनेमध्ये 2 जणांचा मृत्यू झाला आहे. तसेच 18 हून अधिक जण जखमी झाले आहेत. त्यात जखमी असलेल्या 5 जणांची प्रकृती विजेचा धक्का बसल्याने गंभीर आहे. या घटनेबाबत जिल्हाधिकाऱ्यांनी माहिती दिली आहे. त्यानुसार ही विजेची तार माकडांनी तोडल्यामुळे ही दुर्घटना घडली आहे.
या घटनेनंतर मुख्यमंत्री योगी आदित्यनाथ यांनी या घटनेवर संवेदना व्यक्त केल्या. अधिकाऱ्यांना तात्काळ या पिडीत कुटुंबांना मदत करण्याचे आदेश दिले आहेत. तसेच योग्य उपचार तात्काळ देण्याचं देखील त्यांनी सांगितलं आहे. दरम्यान या अगोदर उत्तराखंडमधील हरिद्वार येथील प्रसिद्ध मनसा देवी मंदिरात(Shiva temple) रविवारी सकाळी प्रचंड गर्दी जमल्यामुळे चेंगराचेंगरी झाली. या अपघातात 6 जणांचा मृत्यू झाला आहे, तर अनेक जण गंभीर जखमी झाले आहेत.
प्रशासनाचे म्हणणे आहे की, मंदिराच्या मुख्य रस्त्यावर मोठी गर्दी जमली होती, त्यामुळे चेंगराचेंगरी झाली. घटनेची माहिती मिळताच स्थानिक पोलीस आणि प्रशासकीय पथके तातडीने घटनास्थळी पोहोचली. मदतकार्य सुरू करण्यात आले आहे. त्याचवेळी मुख्यमंत्री धामी यांनी या घटनेवर दुःख व्यक्त केलं होतं.
हेही वाचा :
- घरच्या घरी हेअर बोटॉक्स करण्यासाठी ‘या’ सोप्या ट्रिक्स करा फॉलो….
- कधी ‘ऑटो ड्रायव्हर’ म्हणून हिणवलं, तोच आहे आता देशाचा सुपरस्टार! राहतो 150 कोटींच्या बंगल्यात, संपत्ती.
- इंग्लंडचा विजय हिसकावला, बेन स्टोक्स जडेजा-सुंदरचं नाव घेत काय म्हणाला?
