बॉलिवूडप्रमाणेच आता साऊथ फिल्म इंडस्ट्रीमधील कलाकारांचीही देश- विदेशात मोठा चाहता वर्ग तयार झाला आहे.(film) प्रेक्षकांचंही या अभिनेत्यांवर तितकंच प्रेम आहे. अशाच एका साउथ सुपरस्टारविषयी आज आपण बोलणार आहोत, जो सध्या कोट्यवधींचा मालक असला तरी एकेकाळी त्याचे अनेकांनी वर्णन आणि लूक यावरून भरपूर टीका केली होती.
हा अभिनेता दुसरा तिसरा कोणी नसून तो धनुष आहे. आज ज्याच्या अभिनयाने संपूर्ण देशभरात नाव मिळवलं तोच(film) धनुष एका काळी ऑटो ड्रायव्हर सारखा दिसतो म्हणून त्याला हिणवलं जात होतं. पण त्याने आपल्या मेहनतीने आणि अभिनय कौशल्याने हे सर्व टोमणे ऐकूनही यशाच्या शिखरावर झेप घेतली.
2002 मध्ये अभिनय कारकिर्दीला सुरुवात
साऊथ अभिनेता धनुष याचा जन्म एका फिल्मी कुटुंबात झाला. त्याचे वडील कस्तूरी राजा हे सुद्धा दिग्दर्शक आणि अभिनेते होते. त्यांच्याच पावलावर पाऊल टाकत अभिनेता धनुषने 2002 मध्ये ‘थुल्लुवाधो इलमई’ या चित्रपटातून आपल्या अभिनय कारकिर्दीची सुरुवात केली. हा चित्रपट त्याच्याच वडिलांनी दिग्दर्शित केला होता. धनुषने केवळ 19 व्या वर्षीच हिरो म्हणून पदार्पण केले होते.
अभिनेता धनुषवर 2003 मध्ये आलेल्या ‘काढल कोन्देन’ या चित्रपटाच्या शूटिंगदरम्यान त्याच्या लूकबाबत अनेकांनी टीका (film) केली होती. सेटवरील काही क्रू मेंबर्स त्याला ऑटो ड्रायव्हर म्हणत असत. मात्र, चित्रपटाच्या सेटवर होणाऱ्या या टीकेमुळे धनुष खूप दुखावला गेला होता. त्याने एका मुलाखतीत सांगितले की, शूटिंगनंतर तो आपल्या गाडीत बसून तासन्‌तास रडायचा.
धनुषची एकूण संपत्ती
आज धनुषला साऊथमधील सर्वात यशस्वी आणि लोकप्रिय अभिनेत्यांपैकी एक मानले जाते. अभिनयाच्या जोरावर त्याने फक्त नावच नाही तर प्रचंड संपत्ती देखील कमावली आहे. आज त्याची एकूण संपत्ती सुमारे 230 कोटी रुपये आहे. चेन्नईतील पॉश परिसर पोएस गार्डनमध्ये त्याचे 150 कोटींचे आलिशान घर आहे.
धनुषची ही यशोगाथा प्रत्येकासाठी प्रेरणादायी आहे. जिथे एका सामान्य वदन असलेल्या व्यक्तीने केवळ टॅलेंट आणि जिद्द यांच्या जोरावर संपूर्ण देशाचं प्रेम जिंकलं. आज त्याचा सोशल मीडियावर देखील मोठा चाहता वर्ग आहे.
हेही वाचा :
- ‘खेळ सुरु राहिला हवा…’ भारत – पाकिस्तान मॅच खेळवण्याबाबत सौरव गांगुलीने घेतली भूमिका
- दोन दिवस टेन्शनमध्ये होतो, मँचेस्टर कसोटीनंतर काय म्हणाला शुभमन गिल? बुमराहबद्दल दिली मोठी अपडेट
- फक्त ३०,००० लोकसंख्या, विमानतळ नाही, स्वतःचे चलन नाही…, पण श्रीमंतीच्या बाबतीत सर्वांपेक्षा श्रेष्ठ, हे ठिकाण आहे तरी कुठे?
