हिवाळ्याच्या दिवसांत तब्येतीची विशेष काळजी घेणे अत्यावश्यक असते. या काळात सर्दी, खोकला, थंडी-ताप यांसारख्या समस्या वारंवार डोके वर काढतात. त्यामुळे शरीराची रोगप्रतिकारक शक्ती टिकवून ठेवण्यासाठी आहारात नैसर्गिक उपायांचा समावेश करणे गरजेचे आहे. त्यासाठी सर्वात सोपा आणि प्रभावी उपाय म्हणजे — दररोज सकाळी उपाशीपोटी आवळ्याचा ज्यूस पिणे(Drink).
आवळा हा व्हिटॅमिन C चा उत्कृष्ट स्रोत आहे. तो शरीराची रोगप्रतिकारक शक्ती वाढवतो, पचनसंस्था मजबूत करतो आणि त्वचा व केस निरोगी ठेवण्यास मदत करतो. दररोज सकाळी झोपेतून उठल्यानंतर एक ताजा आवळा मिक्सरमध्ये बारीक करून त्याचा रस काढा आणि लगेच प्या. हा ज्यूस ताजा असतानाच घेतल्यास त्यातील सर्व पोषक घटक शरीरात प्रभावीपणे शोषले जातात.
आवळ्याचा ज्यूस(Drink) नियमित घेतल्याने हिवाळ्यात होणाऱ्या सर्दी, खोकला, त्वचेचा कोरडेपणा आणि थकवा या समस्यांपासून संरक्षण मिळते. तसेच शरीरातील विषारी घटक बाहेर टाकून त्वचेला नैसर्गिक तेज प्राप्त होते.म्हणूनच, जर तुम्हाला या हिवाळ्यात निरोगी आणि ताजेतवाने राहायचे असेल तर दिवसाची सुरुवात आवळ्याच्या ताज्या ज्यूसने करा — हे पेय तुमच्या संपूर्ण आरोग्यासाठी ठरेल नैसर्गिक कवच.
हेही वाचा :
उद्धव ठाकरे गटाचा मोठा निर्णय; ज्येष्ठ नगरसेवकांचा पत्ता कट होणार
इचलकरंजीतील बँक व्यवस्थापकाचा डोक्यात सिमेंटचा नळा घालून खून
लोणचे प्लास्टिकच्या डब्यात ठेवावे की काचेच्या बरणीत? जाणून घ्या..