अजित पवारांच्या अडचणीत भर? अण्णा हजारे पुन्हा सक्रीय

लोकसभा निवडणुकीपूर्वी शिखर बँक घोटाळ्याप्रकरणी उपमुख्यमंत्री अजित पवार(political news) यांना मोठा दिलासा मिळाला होता. मात्र या घोटाळ्याप्रकरणी त्यांच्या अडचणीत वाढण्याची शक्यता आहे. कारण आर्थिक गुन्हे शाखेने दाखल केलेल्या अतिरिक्त क्लोजर रिपोर्टवर ज्येष्ठ समाजसेवक अण्णा हजारे यांनी आक्षेप घेतालय.

महत्त्वाच म्हणजे न्यायालयाने(political news) त्यांचा हा आक्षेप मान्य केली आहे. याबद्दल निषेध याचिका दाखल करण्यासाठी अण्णा हजारे यांना वेळ दिलाय. गुरुवारी 13 जूनला विशेष सत्र न्यायालायचे न्यायमूर्ती राहुल रोकडे यांच्यासमोर ही सुनावणी झाली. याप्रकरणाची पुढील सुनावणी 29 जूनला होणार आहे. त्यामुळे पुढील सुनावणी दरम्यान कोर्ट काय भूमिका घेतेय हे पहावं लागणाराय.

राज्यातील बहुचर्चित तब्बल 25 हजार कोटी रुपयांच्या शिखर बँक घोटाळ्या प्रकरणी अजित पवार आणि सुनेत्रा पवार यांचं नाव समोर आलं होतं. मात्र मुंबई पोलिसांच्या आर्थिक गुन्हे शाखेनं या घोटाळ्या प्रकरणी त्यांना क्लिनचिट मिळाली. ऐन लोकसभा निवडणुकीच्या धामधुमीत हा दिलासा देण्यात आला होता.

शिखर बँकेने 2005 ते 2010 याकाळात मोठ्या प्रमाणात कर्जाचे वाटप केले होते. सहकारी साखर कारखाने, सहकारी सूतगिरण्या, कारखाने आणि इतर कंपन्यांना हे कर्ज देण्यात आले होते. तब्बल 25 हजार कोटीच्या आसपास हे कर्ज वाटप केल्याचा ठपका ठेवण्यात आला होता. यातील कर्जाची रक्कम परत फेड झाली नाही. ही सर्व कर्जे बुडीत निघाली.

ज्यावेळी हे कर्ज देण्यात आले तेव्हा संचालकपदी अजित पवार होते. त्यामुळे अजित पवार यांच्यासह अन्य 70 जणांवरही आरोपपत्र दाखल करण्यात आले होते. दरम्यान लोकसभा निवडणुकीपूर्वी दाखल केलेल्या क्लोजर रिपोर्टमध्ये बँकेला नुकसान झाल्याचे कोणतेच पुरावे मिळाले नसल्याने आर्थिक गुन्हे शाखेनं अजित पवारांसोबत सगळ्यांना क्लिनचिट दिली.

‘अण्णा हजारे यांना जाग आली आणि त्यांनी शिखर बँक घोटाळा प्रकरणी आवाज उठला याबद्दल त्यांचं अभिनंदन करतो. अण्णा हजारे यांनी महाराष्ट्रात गेल्या 10 वर्षांत अनेक घोटाळे झाले आहेत. अण्णा हजारे यांनी हे घोटाळेदेखील बाहेर काढावे, असं आवाहन संजय राऊत यांनी केलंय. त्याशिवाय मुख्यमंत्री एकनाथ शिंदे आणि त्यांचे 40 आमदार शिवाय अजित पवार आणि त्यांचे 40 आमदार यांच्या क्लोजर रिपोर्टवरही अण्णांनी हजारेंनी आवाज उठवावा. ‘

हेही वाचा :

मैं लवली हो गई यार… विमानतळावर महिलेचा भन्नाट डान्स Video viral

आता लाईटबिलचं नो टेन्शन, मनसोक्त वापरा वीज; केंद्र सरकाराच्या ‘या’ योजनेसाठी असा करा अर्ज

अमेरिकेच्या समुद्रकिनाऱ्यावर लेकीसोबत वेळ घालवतोय हिटमॅन, फोटो झाले व्हायरल