आधीच पर्सनल लोन सुरू असताना दुसरे पर्सनल लोन मिळू शकते का, हा प्रश्न अनेकांच्या (personal loan) मनात असतो. वाढत्या खर्चामुळे आणि अचानक उद्भवणाऱ्या गरजांमुळे लोकांना अतिरिक्त आर्थिक मदतीची आवश्यकता भासते. अशा वेळी बँका दुसरे पर्सनल लोन देतात का, याबाबत स्पष्ट माहिती असणे गरजेचे आहे.
तज्ञांच्या मते, आधीच एक पर्सनल लोन सुरू असले तरी बँका (personal loan) दुसरे कर्ज देऊ शकतात, मात्र ते प्रत्येकासाठी आणि प्रत्येक परिस्थितीत शक्य नसते. बँका अर्जदाराची आर्थिक स्थिती सखोल तपासूनच निर्णय घेतात. सर्वात महत्त्वाचा घटक म्हणजे क्रेडिट स्कोअर. जर ग्राहकाचा क्रेडिट स्कोअर चांगला असेल आणि आधीच्या कर्जाचे हप्ते वेळेवर भरले जात असतील, तर दुसऱ्या कर्जासाठी सकारात्मक संकेत मिळतात.
याशिवाय बँका ग्राहकाचे मासिक उत्पन्न आणि एकूण ईएमआयचे प्रमाणही तपासतात. साधारणपणे (personal loan) एकूण ईएमआय हा मासिक उत्पन्नाच्या 50 टक्क्यांपेक्षा कमी असावा, अशी अनेक बँकांची अट असते. जर दोन्ही कर्जांचे एकत्रित हप्ते उत्पन्नाच्या मोठ्या भागावर ताण देत असतील, तर बँका कर्ज नाकारू शकतात. काही बँकांचे नियम वेगवेगळे असू शकतात, त्यामुळे अंतिम निर्णय संबंधित बँकेच्या धोरणांवर अवलंबून असतो.
आर्थिक सल्लागारांचे म्हणणे आहे की दुसरे पर्सनल लोन (personal loan) घेण्यापूर्वी स्वतःची परतफेड क्षमता तपासणे अत्यंत आवश्यक आहे. केवळ हौसमौज, प्रवास किंवा अनावश्यक खर्चासाठी कर्ज घेणे टाळावे. तसेच आधीच्या कर्जाचा हप्ता फेडण्यासाठी नवीन कर्ज घेणे धोकादायक ठरू शकते. अशा प्रकारे कर्जावर कर्ज घेतल्यास व्यक्ती कर्जाच्या जाळ्यात अडकण्याची शक्यता वाढते.
आकस्मिक परिस्थितीत आणि खरोखर गरज असल्यास, योग्य नियोजन करून आणि आर्थिक शिस्त राखून दुसरे पर्सनल लोन घेणे शक्य आहे. मात्र कोणतेही कर्ज घेण्यापूर्वी अटी, व्याजदर आणि परतफेडीची क्षमता यांचा काळजीपूर्वक विचार करणेच शहाणपणाचे ठरते.
हेही वाचा :
आठव्या वेतन आयोगात पगारवाढ कधीपासून? एरियर किती मिळणार? वाचा नवीन अपडेट
शेतकरी मित्रांनो सावधान! ‘या’ अटी पूर्ण नसतील तर २२ वा हप्ता अडकणार