मोठी बातमी समोर येत आहे. एकनाथ शिंदे हे अचानक दिल्लीला रवाना झाले आहेत. एकनाथ शिंदे यांच्या या दिल्ली दौऱ्यामुळे राजकीय वर्तुळात चर्चेला उधाण आलं आहे. राज्यात घडामोडींना वेग आला आहे.
राजकीय वर्तुळातून मोठी बातमी समोर येत आहे, शिवसेना शिंदे गटाचे सर्वेसर्वा आणि उपमुख्यमंत्री एकनाथ शिंदे हे अचानक दिल्लीला रवाना झाले आहेत. एकनाथ शिंदे यांच्या या दिल्ली दौऱ्यामुळे राजकीय वर्तुळात चर्चेला उधाण आलं आहे. एकनाथ शिंदे आपल्या या दौऱ्यामध्ये भाजपचे अध्यक्ष नितीन नबिन आणि केंद्रीय गृहमंत्री अमित शाह यांची भेट घेणार आहेत. समोर आलेल्या माहितीनुसार जिल्हा परिषदेमध्ये (Eknath Shinde) अनेक ठिकाणी शिवसेनेला सत्तेपासून दूर ठेवलं जात असून, दुजाभाव केला जात आहे. त्यामुळे शिवसेनेत संभ्रमाचे वातावरण निर्माण झाले आहेत. रायगड मध्ये बहूमत असूनही तडजोड करावी लागली, तर फलटणमध्ये शिवसेनेला सत्तेपासून दूर ठेवण्यात आलं, अशी खंत स्थानिक शिवसैनिकांकडून व्यक्त केली जात आहे. दरम्यान यावर काही ठोस तोडगा निघावा, यासाठी एकनाथ शिंदे हे अचानक दिल्लीला गेल्याची माहिती सूत्रांकडून मिळत आहे.
दरम्यान नगर परिषद आणि नगर पंचायत निवडणुकीमध्ये भाजपने शिवसेना शिंदे गटाला अनेक ठिकाणी मोठा धक्का दिला होता. शिवसेना शिंदे गटाच्या अनेक पदाधिकाऱ्यांनी त्यावेळी भाजपात प्रवेश केला होता. यावरून देखील शिवसेना शिंदे गटात नाराजी होती. (Eknath Shinde) त्यानंतर महापालिका निवडणुकीपूर्वी एकनाथ शिंदे यांनी दिल्ली दौरा केला. या दौऱ्यानंतर भाजप आणि शिवसेना शिंदे गटाचे महापालिका निवडणुकीसाठी अनेक ठिकाणी युती झाल्याचं पहायला मिळालं, आणि दोन्ही पक्षांनी एकमेकांच्या कार्यकर्त्यांना पक्षात प्रवेश द्यायचा नाही, असं देखील ठरलं होतं.
महापालिका निवडणुकीमध्ये भाजप आणि शिवसेना शिंदे गटाला चांगलं यश मिळालं. काही ठिकाणी शिवसेना शिंदे गटाचा महापौर झाला तर काही ठिकाणी भाजपचा महापौर झाला. मात्र त्यानंतर जिल्हा परिषद निवडणुका झाल्या. या निवडणुकांमध्ये देखील भाजप हा नंबर एकचा पक्ष ठरला तर शिवसेना शिंदे गटाला देखील चांगलं यश मिळालं. (Eknath Shinde) अनेक ठिकाणी या निवडणुकीतही भाजप शिवसेना शिंदे गटाची युती होती. मात्र आता निकालानंतर सत्तेपासून दूर ठेवलं जात असल्याचा आरोप शिवसेनेकडून करण्यात येत आहे. या सगळ्या पार्श्वभूमीवर एकनाथ शिंदे याचा हा दौरा महत्त्वाचा मानला जात आहे.
हेही वाचा :
धक्कादायक, लग्नास नकार दिल्याने तरुणीला एचआयव्हीचे इंजेक्शन दिले
भर उन्हाळ्यात कोल्हापुरात अवकाळी पाऊस; गारपीटीमुळे नुकसानाची शक्यता
संपूर्ण जग भीषण इंधन टंचाईत अडकलं, पण भारतानं करून दाखवलं, 7 सर्वात मोठ्या गुड न्यूज