नाशिकमधील भोंदूबाबा अशोक खरात प्रकरण दिवसेंदिवस अधिकच गंभीर व (revelations) धक्कादायक वळण घेताना दिसत आहे. या प्रकरणात नवनवीन खुलासे होत असून आता काँग्रेसचे ज्येष्ठ नेते विजय वडेट्टीवार यांनी केलेल्या विधानांमुळे खळबळ उडाली आहे. त्यांनी तपास यंत्रणांच्या भूमिकेवर प्रश्नचिन्ह उपस्थित करत काही उच्चपदस्थ अधिकाऱ्यांच्या संलग्नतेचाही आरोप केला आहे.
वडेट्टीवार यांनी (revelations) माध्यमांशी बोलताना सांगितले की, अशोक खरात याच्याकडे मोठ्या प्रमाणात आक्षेपार्ह व्हिडीओ असल्याची माहिती समोर येत आहे. त्यांनी दावा केला की, या प्रकरणात सुमारे हजार व्हिडीओ असल्याची शक्यता असून या सर्वांची सखोल चौकशी होणे आवश्यक आहे. तसेच त्यांनी अत्यंत गंभीर आरोप करत खरात हा महिलांना पुरवण्याचे कामही करत होता, असा संशय व्यक्त केला आहे. या आरोपांमुळे प्रकरणाचे स्वरूप आणखीच गंभीर झाले आहे.
यासोबतच, खरातवर गुन्हा दाखल होत असतानाच काही आयएएस आणि आयपीएस दर्जाचे अधिकारी त्याच्यासोबत एका हॉटेलमध्ये उपस्थित होते, असा आरोपही वडेट्टीवार यांनी केला. त्यामुळे या प्रकरणात केवळ एका व्यक्तीपुरते मर्यादित न राहता मोठ्या साखळीचा तपास होण्याची गरज त्यांनी व्यक्त केली. खरातची नार्को टेस्ट करून संपूर्ण सत्य बाहेर आणावे, अशी मागणीही त्यांनी केली आहे.
दरम्यान, अशोक खरातवर अनेक महिलांवर लैंगिक अत्याचार आणि बलात्कार (revelations) केल्याचे गंभीर गुन्हे दाखल करण्यात आले आहेत. दैवी शक्ती असल्याचा दावा करत त्याने अनेकांना फसवले आणि त्याचे काही व्हिडीओ सोशल मीडियावर व्हायरल झाल्याने समाजात संतापाची लाट उसळली आहे. या प्रकरणात त्याचे राजकीय संबंधही तपासाच्या केंद्रस्थानी आले आहेत. काल पोलीस कोठडीची मुदत संपल्यानंतर अशोक खरातला न्यायालयात हजर करण्यात आले. न्यायालयाने त्याची पोलीस कोठडी आणखी चार दिवसांनी वाढवून १ एप्रिलपर्यंत दिली आहे. त्यामुळे पुढील काही दिवसांत या प्रकरणात आणखी कोणते धक्कादायक खुलासे समोर येणार, याकडे संपूर्ण राज्याचे लक्ष लागले आहे.
हेही वाचा :
शाळांना २ मेपासून उन्हाळी सुटी; नवीन शैक्षणिक वर्ष १५ जूनपासून