उन्हाळ्याच्या दिवसांत वाढलेल्या उष्णतेमुळे आणि दमट वातावरणामुळे केसांची (heat and humid) समस्या अधिक वाढताना दिसते. विशेषतः घामामुळे केस पटकन चिकट होतात आणि स्कॅल्पमध्ये सेबमचे उत्पादन वाढल्याने केस तेलकट दिसू लागतात. त्यामुळे या दिवसांत केसांची योग्य काळजी घेणे अत्यंत गरजेचे ठरते. तज्ज्ञांच्या मते, केस धुताना सल्फेट-फ्री शॅम्पूचा वापर केल्यास केसांचे नैसर्गिक तेल संतुलित राहते. त्याचबरोबर जड तेलांचा वापर टाळणे आणि आठवड्यातून किमान तीन वेळा केस धुणे फायदेशीर ठरते.
उन्हाळ्यात फक्त त्वचाच नव्हे (heat and humid) तर केसांचीदेखील विशेष काळजी घेणे आवश्यक आहे. घराबाहेर पडताना टोपी किंवा स्कार्फचा वापर केल्यास केसांचे सूर्याच्या अतिनील किरणांपासून आणि धुळीपासून संरक्षण होते. याशिवाय हलक्या वजनाचा कंडिशनर वापरणे योग्य ठरते, मात्र तो थेट स्कॅल्पवर लावणे टाळावे. अनेकदा केस पूर्णपणे तेलकट नसतात, पण स्कॅल्पजवळील भाग मात्र चिकट दिसतो. यामागे अतिरिक्त सेबमचे उत्पादन हेच मुख्य कारण असते.
अशा वेळी साधा उपाय म्हणून टिश्यू किंवा ब्लॉटिंग (heat and humid) पेपरचा वापर करता येतो. स्कॅल्पवर हलक्या हाताने दाब दिल्यास अतिरिक्त तेल शोषले जाते आणि केस लगेच फ्रेश दिसू लागतात. तसेच उन्हाळ्यात केसांना ताजेतवाने ठेवण्यासाठी हेअर मिस्टचा वापरही उपयुक्त ठरतो. घरच्या घरीही नैसर्गिक घटकांपासून हेअर मिस्ट तयार करता येते. पुदिन्याची पाने आणि गुलाब पाणी यांचे मिश्रण तयार करून त्यात काही थेंब इसेन्शियल ऑइल घातल्यास नैसर्गिक आणि सुगंधी स्प्रे तयार होतो.
सतत शॅम्पू केल्याने केस (heat and humid) कोरडे होण्याची शक्यता असते, त्यामुळे पर्याय म्हणून हेअर रिन्सचा वापर करता येतो. पाण्यात ॲपल सायडर व्हिनेगर मिसळून केस धुतल्यास केस स्वच्छ राहतात आणि तेलकटपणा कमी होतो. तसेच त्वरित फ्रेश लूकसाठी ड्राय शॅम्पू हा एक उत्तम पर्याय आहे. स्कॅल्पवर स्प्रे करून काही मिनिटांनंतर केस विंचरल्यास अतिरिक्त तेल शोषले जाते आणि केसांना नव्यासारखा ताजेपणा मिळतो. या सोप्या उपायांचा अवलंब केल्यास उन्हाळ्यातही केस स्वच्छ, हलके आणि आकर्षक ठेवणे सहज शक्य होते.
हेही वाचा :
फिलीपाईन्समध्ये आणीबाणी, इराण संघर्षाने कुठे लॉकडाऊन तर कुठे विमान सेवा बंद
घरी टॉयलेट कसलं आहे? काय काय खाता? यावेळी जनगणनेत विचारले जाणार हे 33 प्रश्न; कधीपासून होणार
देवदर्शनावेळी ओळख, फिरायला नेत ठेवले संबंध; ब्लॅकमेल करत २ लाखांची मागणी, तोतया महिला वकिलाला अटक