अनेकदा आयुष्यात जबाबदाऱ्यांचं ओझं वाढत जातं आणि त्या ओझ्याखाली (responsibilities) अनेक स्वप्नं अपुरीच राहतात. मात्र जिद्द, सातत्य आणि मेहनत असेल तर कोणतीही अडचण स्वप्नांच्या आड येऊ शकत नाही, हे कागल तालुक्यातील बेनिक्रे गावच्या सुरैया साहेबलाल देसाई यांनी आपल्या यशातून सिद्ध करून दाखवलं आहे. घर आणि संसाराची जबाबदारी सांभाळत त्यांनी महाराष्ट्र राज्य लोकसेवा आयोगाच्या स्पर्धा परीक्षेत उल्लेखनीय यश मिळवलं. विक्रीकर सहाय्यक पद मिळवत आर्थिक दुर्बल घटक महिलांमध्ये त्यांनी राज्यात प्रथम क्रमांक पटकावला आहे. त्यांच्या या यशामुळे परिसरात आनंदाचं वातावरण निर्माण झालं आहे.
सुरैया देसाई यांचा प्रवास खडतर पण तितकाच प्रेरणादायी आहे. स्पर्धा परीक्षेच्या तयारीदरम्यान त्यांना अनेक वेळा अपयशाला सामोरं जावं लागलं. मात्र प्रत्येक वेळी त्यांनी हार न मानता नव्या उमेदीने अभ्यास सुरू ठेवला. त्यांच्या चिकाटीमुळेच अखेर त्यांना यश मिळालं. बी.टेकपर्यंत शिक्षण पूर्ण केल्यानंतर त्यांचा विवाह कारदगा येथील नयीम पटेल यांच्याशी झाला.
संसाराची जबाबदारी सांभाळताना (responsibilities) अभ्यासात सातत्य राखणं सोपं नव्हतं. त्यातच मुलाच्या आजारपणामुळे त्यांच्या तयारीत अडथळे निर्माण झाले आणि एक संधीही थोडक्यात हुकली. तरीही त्यांनी खचून न जाता पुन्हा उभारी घेतली. या प्रवासात त्यांच्या आईचा मिळालेला भक्कम पाठिंबा त्यांच्या यशाचा आधार ठरला. सातत्य, जिद्द आणि कठोर परिश्रम यांच्या जोरावर सुरैया देसाई यांनी अखेर आपलं स्वप्न पूर्ण केलं. त्यांच्या या यशामुळे बेनिक्रे गावात आनंदाचं वातावरण असून सर्व स्तरातून त्यांच्यावर अभिनंदनाचा वर्षाव होत आहे. त्यांची यशोगाथा अनेक महिलांसाठी आणि स्पर्धा परीक्षांची तयारी करणाऱ्या विद्यार्थ्यांसाठी प्रेरणादायी ठरत आहे.
हेही वाचा :
संतापजनक! सेवानिवृत्तीस आलेल्या शिक्षकाकडून तिसरीच्या वर्गातील विद्यार्थिनीवर अत्याचार
गर्लफ्रेंडसोबत हॉटेलवर गेला, शरीरसंबंध ठेवताना तरुणाचा मृत्यू; कारण ऐकून पोलिसही हादरले
युद्ध थांबलं तरी इराणमध्ये भयानक स्फोट! हादरवून टाकणारी नवी अपडेट समोर