एलपीजी गॅस सिलिंडरबद्दल(cylinders) एक मोठी बातमी आहे. लोकांच्या सोयीसाठी तेल विपणन कंपन्यांनी पुन्हा एकदा गॅस सिलिंडरच्या किमती कमी केल्या आहेत. यावेळी किमती 51 रुपयांनी कमी करण्यात आल्या आहेत. परंतु, ही कपात फक्त 19 किलोच्या व्यावसायिक गॅस सिलिंडरमध्ये करण्यात आली आहे.
या बदलानंतर, दिल्लीत 19 किलोच्या व्यावसायिक गॅस सिलिंडरची(cylinders) किंमत 1580 रुपये होईल. आतापर्यंत दिल्लीत व्यावसायिक सिलिंडरची किंमत 1631.50 रुपये आहे. नवीन किमती आजपासून म्हणजेच 1 सप्टेंबरपासून लागू होतील.
प्रत्यक्षात, तेल विपणन कंपन्यांनी व्यावसायिक एलपीजी गॅस सिलिंडरच्या किंमती बदलल्या आहेत. आजपासून 19 किलोच्या व्यावसायिक एलपीजी गॅस सिलिंडरची किंमत 51.50 रुपयांनी कमी करण्यात आली आहे. दिल्लीत, 1 सप्टेंबर (आज) पासून 19 किलोच्या व्यावसायिक एलपीजी सिलिंडरची किरकोळ विक्री किंमत 1580 रुपये असेल. 14.2 किलोच्या घरगुती सिलिंडरच्या किंमतीत कोणताही बदल झालेला नाही.
मार्च महिना वगळता, 1 जानेवारी 2025 पासून 19 किलोच्या व्यावसायिक गॅस सिलिंडरच्या किमती सातत्याने कमी केल्या जात आहेत. 1 जानेवारी रोजी त्यात 14.50 रुपयांची कपात करण्यात आली. त्यानंतर फेब्रुवारीमध्ये 7 रुपयांची कपात करण्यात आली होती.
1 मार्च रोजी किमतीतही 6 रुपयांची वाढ करण्यात आली. त्यानंतर 1 एप्रिल रोजी व्यावसायिक गॅस सिलिंडरच्या किमतीत मोठी कपात करत 41 रुपयांची कपात करण्यात आली. त्यानंतर 1 मे रोजी 14 रुपये आणि 1 जून रोजी 24 रुपयांची कपात करण्यात आली. 1 जुलै रोजी व्यावसायिक गॅस सिलिंडरच्या किमतीत 58.50 रुपयांची मोठी कपात करण्यात आली. त्यानंतर 1 ऑगस्ट रोजी पुन्हा 33.50 रुपयांची कपात करण्यात आली. आता पुन्हा एकदा किमती कमी करण्यात आल्या आहेत.
हेही वाचा :
ऐन गणेशोत्सवात Allu Arjun ला बसला धक्का
कोल्हापूर : डीजेवर नाचून झालं आता कोर्टाच्या पायऱ्या झिजवायच्या, महाविद्यालयीन तरूणांवर गुन्हे
जिओने केला धमाका! लॉन्च केला AI वाला चश्मा, एका क्लिकवर फोटो, व्हिडिओ अन् कॉलिंगसुद्धा