राज्यात 5 जुलै रोजी होणाऱ्या शिवसेना ठाकरे गट आणि महाराष्ट्र नवनिर्माण सेनेच्या संयुक्त विजयी मेळाव्याआधीच(group) ठाकरे गटाला एक मोठा धक्का बसला आहे. हिंदी सक्तीच्या विरोधात रविवारी मुंबईत झालेल्या आंदोलनात सहभागी झालेल्यांवर पोलिसांनी गुन्हा दाखल केला असून त्यात ठाकरे गटाच्या अनेक पदाधिकाऱ्यांचाही समावेश आहे. या आंदोलनादरम्यान कोणतीही पूर्वपरवानगी न घेता जमावबंदी आदेशाचे उल्लंघन करण्यात आल्याचा आरोप आहे. त्यामुळे आता मेळाव्याच्या पार्श्वभूमीवर ठाकरे गट अडचणीत सापडला आहे. गुन्हा दाखल झाल्याने राजकीय वर्तुळात चर्चेला उधाण आले असून मेळाव्याच्या आधीच वातावरण तापले आहे.
राज्यात पहिलीपासून हिंदी सक्तीला विरोध करण्यासाठी विविध पक्षांनी आवाज उठवला होता. मनसेने याबाबत आंदोलन केल्यानंतर ठाकरे गटानेही त्यात उडी घेतली. रविवारी मुंबईत मनसे, ठाकरे गट, काँग्रेस आणि इतर संघटनांनी संयुक्तपणे आझाद मैदानात हिंदी सक्तीच्या जीआरची होळी केली.(group) या आंदोलनात उद्धव ठाकरे, आदित्य ठाकरे, संजय राऊत, नितीन सरदेसाई आणि काँग्रेसचे प्रदेशाध्यक्ष हर्षवर्धन सपकाळ उपस्थित होते. मात्र, पोलिसांची कोणतीही परवानगी न घेता आणि जमावबंदी आदेशाचे उल्लंघन करून हे आंदोलन झाल्यामुळे आता कायदेशीर कारवाई करण्यात आली आहे.
या प्रकरणात शालेय अभ्यास समितीचे दीपक पवार, ठाकरे गटाचे विभागप्रमुख संतोष शिंदे, शाखाप्रमुख संतोष घरत, संघटिका युगेंद्र साळेकर यांच्यासह 250-300 कार्यकर्त्यांवर आझाद मैदान पोलीस ठाण्यात गुन्हा दाखल करण्यात आला आहे.भारतीय न्याय संहिता कलम 189 (2), 190 आणि 223 अंतर्गत हा गुन्हा दाखल झाला आहे. (group) त्यामुळे ठाकरे गटाला आता कायदेशीर आणि राजकीयदृष्ट्या मोठ्या संकटाला सामोरे जावं लागणार आहे. दुसरीकडे, सरकारने त्रिभाषा सूत्राचे दोन्ही GR मागे घेतले असून त्यामुळे विरोधाचा मोर्चा रद्द करण्यात आला आहे.
हेही वाचा :
