शाळा हे विद्येचे माहेरघर मानलं जातं. हे तेच ठिकाण आहे जिथे विद्यार्थ्यांना(student) चांगल्या वाईट गोष्टी शिकवल्या जातात त्यांचे भविष्य घडवलं जातं पण हरियाणातील पाणीपत जिल्ह्यातील एका खाजगी शाळेत एक नवाच प्रकार उघडकीस आला. मुलाच्या चुकीवर त्याला शाळेत इतकी भीषण शिक्षा देण्यात आली की याचे दृश्य पाहून सर्वच हादरून गेले. याचा व्हिडिओ आता सोशल मीडियावर वेगाने व्हायरल होत आहे. चला नक्की काय घडलं ते सविस्तर जाणून घेऊया.
शाळा ही विद्यार्थ्यांसाठी(student) केवळ शिक्षणाचं केंद्र नसून, त्यांच्या व्यक्तिमत्त्वाच्या घडणीचं मंदिर असतं. पण हरियाणातील पाणीपत जिल्ह्यातील एका खासगी शाळेत शिक्षकांनीच या मंदिराची पवित्रता कलंकित केली असून, अल्पवयीन विद्यार्थ्यांना अमानुष मारहाणीचा प्रकार समोर आला आहे. या घटनेचा व्हिडिओ सोशल मीडियावर व्हायरल झाल्यानंतर देशभरातून संताप व्यक्त केला जात आहे.
ही धक्कादायक घटना पाणीपतच्या जटल रोडवरील ‘सृजन पब्लिक स्कूल’ मध्ये घडली. समोर आलेल्या माहितीप्रमाणे, या शाळेत दुसऱ्या इयत्तेतील एका विद्यार्थ्याने गृहपाठ न केल्यामुळे, प्राचार्या रीना हिने त्याला दोरीने खिडकीला उलटे लटकवून बेदम मारहाण केली. इतकंच नाही, तर दुसऱ्या व्हिडिओमध्ये इतर विद्यार्थ्यांनाही निर्दयपणे कानाखाली मारताना ती दिसते. या प्रकारामुळे शाळेतील विद्यार्थ्यांच्या सुरक्षेवर गंभीर प्रश्नचिन्ह निर्माण झाले आहे. शिक्षण देणाऱ्या संस्थेच्याच भिंतीत जर अशी क्रूरता घडत असेल, तर पालकांनी आपल्या मुलांचं संरक्षण कुठे शोधावं, हा प्रश्न समोर येतो.
घटनेनंतर शिक्षण मंत्री महिपाल डांढा यांनी या प्रकरणाची दखल घेत, संबंधित शाळेला तात्काळ बंद करण्याचे आदेश दिले आहेत. तसेच, राज्यातील इतर शाळांना देखील सख्त इशारा देण्यात आला आहे – जर विद्यार्थ्यांवर(student) शारीरिक शिक्षा करताना आढळले, तर कठोर कारवाई केली जाईल. या प्रकरणी पालकांकडून पोलिसांकडे तक्रार दाखल करण्यात आली होती. तपासादरम्यान, डीएसपी सतीश वत्स यांनी माहिती दिली की, शाळेच्या प्राचार्या रीना आणि ड्रायव्हर अजय यांना पोलिसांनी तात्काळ अटक केली आहे. सध्या अधिक तपास सुरू आहे.
Brutally beating kids and hanging a 7-year-old upside down from a classroom window is not punishment.😡
— ShoneeKapoor (@ShoneeKapoor) September 30, 2025
Parents have filed a police complaint, exposing the principal’s negligence.pic.twitter.com/DGY8bKv9mm
या घटनेने बालहक्क, शैक्षणिक संस्था यांची जबाबदारी, आणि शिक्षकांच्या संवेदनशीलतेचा मुद्दा पुन्हा ऐरणीवर आणला आहे. लहान मुलांवर शारीरिक शिक्षा करून शिक्षण दिलं जात नाही, तर त्यांच्या मनात भीती आणि तिरस्काराचे बीज पेरले जाते. अशा घटनांनी समाज आणि शिक्षणव्यवस्थेची संवेदनशीलता तपासली जाते, आणि दोषींना केवळ शिक्षा नव्हे तर कायमची नोंद ठेवून भविष्यात अशा प्रकारांना आळा घालणे आवश्यक आहे. शाळा ही ज्ञानाची गंगा आहे, पण जर तिथंच हिंसाचाराची नांदी होत असेल, तर अशा शिक्षणाला समाजात स्थान देता येणार नाही. अशा घटनांवर तात्काळ आणि ठोस कारवाई होणं ही काळाची गरज आहे.
हेही वाचा :
राज्यातला पाऊस थांबणार कधी? अखेर हवामान विभागाने सांगितली तारीख
राम-रावणाच्या युद्धाशी दसऱ्याला गाडी धुण्याचा काय संबंध? 99% लोकांना खरं कारण माहिती नाही
विमानतळावर भीषण अपघात; दोन विमानांची जोरदार धडक