पिंपरी-चिंचवडमध्ये प्रेमसंबंधातून एक धक्कादायक हत्या उघडकीस आली आहे. वाकड परिसरातील एका लॉजवर(lodge) शनिवार दुपारी ही घटना घडली. मृतक प्रेयसी मेरी तेलगू असून, आरोपी तिचा प्रियकर दिलावर सिंग आहे. माहितीप्रमाणे, मेरीच्या दुसऱ्या व्यक्तीसोबत प्रेमसंबंध असल्याचा संशय दिलावरला आला आणि या संशयामुळे त्याने तिच्यावर चाकू आणि ब्लेडने हल्ला करून निर्घृण हत्या केली. ही घटना मेरीच्या वाढदिवसाच्या निमित्ताने झाल्या असून, हत्येसाठी त्याने केक कापण्यासाठी वापरलेल्या चाकू आणि ब्लेडचा वापर केला.
हत्येनंतर दिलावर सिंग पळून न जाता थेट कोंढवा पोलीस स्टेशनमध्ये हजर झाला आणि स्वतः गुन्ह्याची कबुली दिली. पोलिसांनी या प्रकरणाचा तपास सुरू केला असून प्राथमिक तपासात प्रेमसंबंधातील संशय हे हत्येचे प्रमुख कारण असल्याचे उघड झाले आहे. या घटनेमुळे पिंपरी-चिंचवड परिसर हादरला आहे.
दरम्यान, जळगाव शहरात प्रेम प्रकरणाच्या संशयातून दुसरी गंभीर हिंसात्मक घटना घडली आहे. मोहाडी रोड परिसरात एका तरुणावर टोळक्याने मारहाण केली आणि त्याची दुचाकी पेटवली. हा तरुण भुसावळ तालुक्यातील असून, आपल्या मैत्रिणीसोबत थांबलेला होता. संशयाच्या आधारे (lodge)झालेल्या या हल्ल्यात तरुण जखमी झाला असून सध्या रुग्णालयात उपचार सुरू आहेत. या प्रकरणी एमआयडीसी पोलीस ठाण्यात गुन्हा दाखल करण्यात आला असून तातडीने कारवाई करत तीन संशयितांना ताब्यात घेतले आहे. उर्वरित आरोपींचा शोध पोलिस घेत आहेत.
हेही वाचा :
दीपिका पादुकोण बनली मानसिक आरोग्याची ब्रँड अँबॅसिडर!
लाडक्या बहिणींनो १५०० रुपये खात्यात जमा झाले की नाही? अशाप्रकारे एका मिनिटात तपासा!
आरक्षणाच्या ‘त्या’ GR चा ठाकरे, शिंदेंना सर्वात मोठा फटका….