कोल्हापूर : कागल तालुक्यातील राजकारणात आता नवा वळण पाहायला मिळत आहे. मंत्री हसन मुश्रीफ आणि पालकमंत्री प्रकाश आबिटकर यांच्या गटांमधील संघर्ष चुरशीला पोहोचलेला असतानाच, मंडलिक गटाने आणखी एक धाडसी पाऊल उचलून चर्चेला हिंमत दिली आहे. निवडणुकीतील (politics)अनिश्चिततेची भीती आणि विरोधी गटाकडून होऊ शकणाऱ्या दबावाच्या शक्यतांचा अंदाज घेत मंडलिक गटाने आपल्या काही प्रमुख उमेदवारांना अज्ञात स्थळी हलवण्याचा निर्णय घेतला आहे. अर्ज मागे घेण्याची अंतिम मुदत संपेपर्यंतच ते पुन्हा सार्वजनिक क्षेत्रात दिसणार असल्याची माहिती गटातील सूत्रांनी दिली आहे.
या निर्णयामुळे कागलच्या राजकीय वातावरणात आणखी तणाव निर्माण झाला असून, विरोधी गटातून विविध तर्कवितर्कांना उधाण आले आहे. प्रतिस्पर्धी मुश्रीफ गटाला चकवण्यासाठी ही रणनीती आखण्यात आल्याचे राजकीय तज्ज्ञांचे मत आहे. यामुळे दोन्ही गटांमधील संघर्ष निर्णायक टप्प्यात पोहोचला असून, महायुती सरकारमधीलच दोन मंत्री परस्परांविरोधात उभे ठाकल्याचे नाट्यमय चित्र समोर आले आहे.
दरम्यान, प्रभाग क्रमांक नऊमध्ये नूरजहाँ निसार नायकवडी यांनी माघार घेतल्याने हसन मुश्रीफ यांच्या सून सेहरनिदा नवाज मुश्रीफ यांची बिनविरोध निवड होऊन मुश्रीफ गटाला मोठा दिलासा मिळाला. मात्र या घडामोडीनंतर मंडलिक गटाच्या सतर्कतेने उचललेल्या नव्या पावलांमुळे आगामी टप्प्यात अधिक मोठे राजकीय (politics)धक्के बसण्याची शक्यता वर्तवली जात आहे. कागलमधील निवडणूक लढत आता तापलेली असून, येणारे दिवस राजकीय नाट्यमयतेने भरलेले असतील, असा अंदाज व्यक्त केला जात आहे.
हेही वाचा :
लग्नाच्या 12 वर्षांनंतर ‘बालिका वधू’ फेम अभिनेत्री झाली आई, झेललं 3 वेळा गर्भपाताचं दु:ख
भाजपाकडून महायुती तोडण्याचा निर्णय…
जाती-धर्माच्या वादावर ऐश्वर्या रायचा तोडगा; म्हणाली, ‘फक्त हीच एक जात…’