नगरपंचायत आणि नगरपरिषदेसाठी आज राज्यभरात मतदान होत आहे.(supporters)या मतदानावेळ अनेक ठिकाणी बोगस मतदान झाल्याचा प्रकार समोर आला आहे. यावरून राडा, हाणामारी झाल्याच्या घटना देखील घडल्या. सांगलीमध्ये देखील बोगस मतदान झाले. या बोगस मतदानावरून सांगलीत रोहित पाटील आणि संजयकाका पाटील यांचे समर्थक आमने सामने आले. मतदान केंद्राबाहेर पाटलांच्या समर्थकांनी जोरदार राडा केला. दोन्ही गटाच्या कार्यकर्त्यांनी धक्काबुक्की केली. याचा व्हिडीओ समोर आला असून तो व्हायरल होत आहे.
सांगलीच्या तासगाव नगर परिषदेच्या मतदानावेळी (supporters)बोगस मतदानाचा आरोप करत आमदार रोहित पाटील आणि माजी खासदार संजय काका पाटील यांच्या दोन गटात जोरदार वादावादीचा प्रकार घडला. तासगाव येथील एका बुथवर बोगस मतदान होत असल्याचा आक्षेप रोहित पाटील यांच्या गटाच्या बूथ प्रतिनिधींनी घेतला. तसेच विरोधकांनी हातातील मतदार याद्याही हिसकावल्याचा त्यांनी आरोप केला.
यानंतर तातडीने आमदार रोहित पाटील हे देखील (supporters)संबंधित मतदान केंद्रावर दाखल झाले. त्यानंतर रोहित पाटील आणि माजी खासदार संजय काका पाटील यांच्या कार्यकर्त्यांमध्ये जोरदार वादावादीचा प्रकार घडला. यानंतर दोन्ही गटाचे कार्यकर्तेही एकमेकांच्या अंगावर धावले. पोलिसांनी हस्तक्षेप करत दोन्ही गट वेगवेगळे केले असून या ठिकाणी सध्या तणावपूर्ण वातावरण आहे. कोणताही अनुचित प्रकार घडू नये यासाठी घटनास्थळी मोठा पोलिस बंदोबस्त तैनात करण्यात आला.
हेही वाचा :
शेतकऱ्यांसाठी आनंदाची बातमी! राज्यात नवे धोरण लागू
केंद्र सरकारने 2026 मधील सुट्ट्यांची यादी केली जाहीर! जाणून घ्या कधी
हिवाळ्यात वाढतोय ब्रेन स्ट्रोकचा धोका; जाणून घ्या तज्ज्ञांचा खास