मंगळवार पेठ परिसरातील पंत मंदिर जवळील एका घरात बनावट नोटा (printed)छापून त्याची विक्री करीत असल्याची माहिती स्थानिक गुन्हे अन्वेषण शाखा कोल्हापूर च्या पथकाला मिळाली.त्यामध्ये इचलकरंजीतील तिघा तरुणांना अटक केली आहे. अनिकेत विजय शिंदे वय २४ रा. पंत मंदिर समोर मंगळवार पेठ, राज रमेश सनदी वय १९ रा. भुईनगर शहापूर आणि सोएब अमजद कलावंत वय १९ रा. परीट गल्ली गावभाग अशी त्यांची नांवे आहेत.छाप्यातून २ लाख २४ हजाराच्या बनावट नोटा जप्त करण्यात आल्या.घरातच १०० आणि ५०० रुपयांच्या बनावट नोटा छपाई होत्या.७० हजार ७०० रुपयांचे इतर साहित्य असा २ लाख ९४ रुपयांचा मुद्देमाल जप्त करण्यात आले आहे.
बनावट नोटा कधीपासून बनवत आहेत. त्या कुठे वापरल्या, अन्य साथीदार कोणी आहेत का याचा शोध पोलिस घेत आहेत.याबाबत पोलिसातून मिळालेली माहिती अशी, स्थानिक गुन्हे शाखेचे पोलिस अंमलदार संतोष बरगे व प्रदीप पाटील यांना इचलकरंजीतील नारायण टॉकीज परिसरात एक व्यक्ती बनावट नोटा विक्रीसाठी येणार असल्याची गोपनीय माहिती मिळाली. त्यानुसार पोलिस उपनिरिक्षक संतोष गळवे यांच्या पथकाने बुधवारी रात्री सापळा रचला.(printed)त्यात अनिकेत शिंदे याला संशयावरून ताब्यात घेतले.
त्याची झडती घेता त्याच्या खिशात काही बनावट नोटा मिळून आल्या. अधिक चौकशी केली असता घरातच बनावट नोटांची छपाई करत असल्याचे त्याने सांगितले. राज सनदी व सोएब कलावंत हे मदत करत असल्याचे व ते घरात असल्याचे सांगितले. त्यावरून मंगळवार पेठ परिसरातील पंत मंदिरासमोरील शिंदे राहण्यास असलेल्या घरात पोलिसांनी छापा टाकला. त्यात कलावंत व सनदी हे मिळून आले. तसेच घरातच बनावट नोटा व नोटा तयार करण्यासाठी वापरण्यात येत असलेले साहित्य मिळाले.
प्रिंटर, नोटांसाठीचा कागद, दोन मोबाईल व इतर साहित्य असा ७० हजार ७०० रुपयांचा मुद्देमाल जप्त केला.ही कारवाई स्थानिक गुन्हे अन्वेषण शाखा कोल्हापूरचे पोलिस निरिक्षक रवींद्र कळमकर, सपोनि सागर वाघ, (printed)उपनिरिक्षक संतोष गळवे, पोलिस अंमलदार संतोष बरगे, प्रदीप पाटील, वैभव पाटील, विशाल खराडे, योगेश गोसावी, गजानन गुरव, शिवानंद मठपती, परशुराम गुजरे, राजू कांबळे, अरविंद पाटील, समीर कांबळे, वैभव जाधव यांच्या पथकाने केली.
हेही वाचा :
देवेंद्र फडणवीसांची शेतकऱ्यांसाठी मोठी घोषणा
दिवाळीनंतर दैनंदिन वापरातील ‘या’ वस्तू स्वस्त होणार? मोदींनी दिले संकेत
माउंटबॅटन यांना भारतातील कोणत्या शहरात प्रेम झाले? त्यांची लव्हस्टोरी तुम्हाला नक्कीच माहीत नसेल