एप्रिलच्या सुरुवातीपासूनच राज्याच्या वातावरणात अनपेक्षित बदल (Forecast)पाहायला मिळत आहेत. तीन तारखेनंतर पावसाच्या सरी थांबतील अशी अपेक्षा असताना, आता आठ ते नऊ एप्रिलपर्यंत महाराष्ट्र राज्यात तुरळक ठिकाणी पावसाची शक्यता हवामान विभाग कडून वर्तवण्यात आली आहे. विदर्भ भागात नऊ तारखेपर्यंत सोसाट्याच्या वाऱ्यांसह जोरदार पाऊस पडण्याची शक्यता आहे, तर मुंबई व आसपासच्या उपनगरांमध्ये सकाळी ढगाळ आणि दुपारी कडक ऊन असे संमिश्र चित्र आहे.मराठवाडा आणि विदर्भ वगळता राज्याच्या इतर भागांमध्ये मोठ्या पावसाची दाट शक्यता नाही, केवळ काही ठिकाणी हलक्या सरी कोसळू शकतात. या अनपेक्षितपणे आलेल्या पावसामुळे आधीच शेतातील पिकांची मोठी नासाडी झाली आहे. त्यातच एका बाजूला कडाक्याचे ऊन आणि दुसऱ्या बाजूला पावसाळी हवा अशा दुहेरी संकटामुळे सामान्य नागरिक पुरते त्रस्त झाले आहेत. पाऊस पडून गेल्यानंतरही हवेतील उष्णता कमी न होता प्रचंड उकाडा आणि घामाच्या धारांनी अंगाची लाहीलाही होत असल्याचे चित्र सर्वत्र दिसत आहे.
या विचित्र वातावरणामागील प्रमुख कारण म्हणजे अरबी समुद्रावरून वाहणारे बाष्पयुक्त वारे आणि पाकिस्तान तसेच अफगाणिस्तान यांच्या सीमारेषेवर निर्माण झालेली चक्रीवादळाची स्थिती, अशी माहिती स्कायमेट या संस्थेने दिली आहे. या दोन भौगोलिक घटकांमुळे राज्याच्या हवामानात अचानक मोठी उलथापालथ पाहायला मिळत आहे. या सर्व बदलांचा सर्वात गंभीर आणि थेट फटका मध्य महाराष्ट्र आणि विदर्भातील जिल्ह्यांना बसण्याची दाट शक्यता हवामान तज्ज्ञांकडून व्यक्त करण्यात आली आहे.
कोकण किनारपट्टी आणि मुंबईच्या परिसराचा विचार केल्यास तिथे (Forecast)प्रत्यक्ष पाऊस पडण्याची शक्यता अत्यंत धूसर आहे. तरीही या किनारपट्टीच्या पट्ट्यात ढगाळ वातावरण राहिल्यामुळे आणि हवेतील दमटपणा वाढल्यामुळे नागरिकांना असह्य अशा उकाड्याचा सामना करावा लागणार आहे. आठ एप्रिलच्या आसपास पालघर , ठाणे आणि मुंबईच्या काही विशिष्ट परिसरांमध्ये आकाशात ढगांची दाटी पाहायला मिळेल. याउलट उत्तर महाराष्ट्र आणि पुणे शहरात हलक्या पावसाच्या सरी कोसळू शकतात, तसेच या भागातील तापमानात किमान दोन ते चार अंश सेल्सिअसची वाढ नोंदवली जाऊ शकते.
राज्याच्या अनेक भागांमध्ये सद्यस्थितीत शेतातील पिकांची काढणी शेवटच्या (Forecast)आणि महत्त्वाच्या टप्प्यात आली आहे. अशा नाजूक परिस्थितीत आठ तारखेपर्यंत राज्यात पावसाळी ढग टिकून राहण्याचा अंदाज वर्तवण्यात आल्याने बळीराजाची चिंता वाढली आहे. सात आणि आठ एप्रिल या दोन दिवसांत मध्य प्रदेश राज्याला लागून असलेल्या महाराष्ट्राच्या सीमावर्ती जिल्ह्यांमध्ये सोसाट्याच्या वाऱ्यासह पावसाचा वेग वाढण्याची धोक्याची घंटा देण्यात आली आहे. या संभाव्य नैसर्गिक संकटामुळे हाताशी आलेली रब्बी पिके आणि विशेषतः फळबागांचे अतोनात नुकसान होण्याची भीती शेतकऱ्यांकडून व्यक्त केली जात आहे.
हेही वाचा :
लाडकी बहीणनंतर आता लाडकी विद्यार्थिनी योजना; दर महिन्याला ५०० रुपये मिळणार
चांगले दिवस आले रे…सोनं तब्बल 12000 रुपयांनी घसरलं, दागिने करण्याची हीच योग्य वेळ!