आखाती देशांमध्ये सुरू असलेल्या तणावपूर्ण घडामोडींचा परिणाम जागतिक (global market) बाजारपेठेवर स्पष्टपणे दिसून येत आहे. या परिस्थितीचा भारतातील अर्थव्यवस्थेवरही विविध प्रकारे परिणाम होताना दिसत आहे. एका बाजूला उर्जासंकटाची चर्चा सुरू असताना दुसऱ्या बाजूला सोने आणि चांदीच्या दरात मात्र मोठी घसरण झाल्याचे पाहायला मिळत आहे. सोन्याच्या किमती कमी झाल्याने सर्वसामान्य ग्राहकांमध्ये काही प्रमाणात समाधान व्यक्त केले जात आहे. युद्धसदृश परिस्थितीत सोन्याचे दर वाढतील असा अंदाज व्यक्त केला जात होता, मात्र प्रत्यक्षात गेल्या काही दिवसांत सोन्याच्या किंमती सतत खाली येताना दिसत आहेत.
आकडेवारीवर नजर (global market) टाकली तर गेल्या महिनाभरात सोने आणि चांदीच्या दरात मोठी घसरण झाली आहे. मल्टी कमोडिटी एक्स्चेंजवरील आकडेवारीनुसार 4 मार्च 2026 रोजी 24 कॅरेट सोन्याचा दर सुमारे 1.62 लाख रुपये प्रति 10 ग्रॅम इतका होता. मात्र 4 एप्रिलपर्यंत हा दर घसरून सुमारे 1.50 लाख रुपये प्रति 10 ग्रॅम इतका झाला आहे. म्हणजेच अवघ्या एका महिन्यात सोन्याच्या दरात तब्बल 12 हजार रुपयांची घसरण झाली आहे.
चांदीच्या दरातही अशीच घसरण पाहायला मिळाली आहे. 4 मार्च 2026 रोजी चांदीचा दर सुमारे 2.70 लाख रुपये प्रति किलो होता. मात्र आता तो कमी होऊन सुमारे 2.35 लाख रुपये प्रति किलो इतका झाला आहे. म्हणजेच एका महिन्यात चांदीच्या दरात जवळपास 35 हजार रुपयांची घसरण नोंदवली गेली आहे.
दर घसरल्यामुळे सध्या सोन्यात गुंतवणूक करण्याची चांगली संधी (global market) असल्याचे या क्षेत्रातील तज्ज्ञांचे मत आहे. मात्र जागतिक पातळीवर सुरू असलेल्या राजकीय आणि आर्थिक घडामोडींमुळे बाजारपेठ अत्यंत संवेदनशील बनली आहे. त्यामुळे दरांमध्ये अचानक चढ-उतार होण्याची शक्यता नाकारता येत नाही. अशा परिस्थितीत कोणतीही गुंतवणूक करण्यापूर्वी बाजाराचा सखोल अभ्यास करणे आणि तज्ज्ञांचा सल्ला घेणे आवश्यक असल्याचेही आर्थिक विश्लेषक सांगत आहेत.
हेही वाचा :
नांदेडमध्ये रक्तरंजित थरार ! गँगवारमध्ये तिघांचा मृत्यू, शहरात दहशत
शेतकऱ्यांनो नमो शेतकरी योजनेचे ₹२००० मिळाले का? अशा पद्धतीने चेक करा स्टेट्स
पंजाब किंग्सचा धमाका, दुसऱ्या विजयासह पॉइंट्स टेबलमध्ये पहिल्या स्थानी झेप