अभिनेत्री तेजश्री प्रधानचा आगामी मराठी चित्रपट ‘असा मी तशी मी’(scene)लवकरच प्रेक्षकांच्या भेटीला येणार आहे. सिनेमाचा पहिला पोस्टर आणि टीझर प्रसिद्ध झाल्यानंतर चाहत्यांमध्ये उत्सुकता वाढली होती आणि नुकताच रिलीज झालेला ट्रेलर या उत्सुकतेला आणखी वेग देतो. विशेष म्हणजे या चित्रपटात तेजश्रीच्या सोबत 62 वर्षीय ज्येष्ठ अभिनेता अजिंक्य रमेश देव यांची जोडी पाहायला मिळणार आहे. ट्रेलरनुसार कथा लंडनच्या भव्य आणि मोहक लोकेशन्सवर उलगडते. यूकेमधील आलिशान ठिकाणे, रोल्स-रॉयसच्या लक्झरीपासून हार्टलेबरी कॅसलसारख्या हेरिटेज लोकेशन्सपर्यंत चित्रपटाला आंतरराष्ट्रीय भव्यता प्राप्त झाली आहे.
ट्रेलरमधील फ्रेम्समधून प्रॉडक्शन व्हॅल्यू, सिनेमॅटोग्राफी आणि स्केल यांचा दर्जा प्रेक्षकांच्या लक्षात येतो.(scene)अजिंक्य रमेश देव भारतीय फोटोग्राफरच्या भूमिकेत स्टायलिश, आत्मविश्वासपूर्ण आणि किंचित कॅसानोव्हा स्वभावाचे दिसतात. तेजश्रीची भूमिका त्याच्या विरुद्ध बाजूची आहे, ती परिपक्व, आत्मनिर्भर आणि स्वप्नांपर्यंत पोहोचण्याची ठाम स्त्री म्हणून दाखवली आहे, जिला लंडनमध्ये स्वतःची ट्रॅव्हल एजन्सी चालवताना पाहायला मिळते. ट्रेलरच्या शेवटी येणाऱ्या अनपेक्षित वळणामुळे कथेला नवीन वळण मिळते, जे पुढे काय घडणार याबाबत प्रेक्षकांची उत्सुकता वाढवते.
चित्रपटाचा ग्रँड प्रीमियर गोवा फिल्म फेस्टिव्हलमध्ये झाला (scene)आणि ज्यूरी व प्रेक्षकांकडून सकारात्मक प्रतिसाद मिळाला. दिग्दर्शक अमोल शेटगे यांच्या मार्गदर्शनाखाली स्थानिक आणि आंतरराष्ट्रीय कलाकारांचा सहभाग असलेल्या या चित्रपटात माधव देवचके, संजय मोने, कृष्णकांत जगन्नाथ केणी आणि यशश्री मसुरकर यांसारख्या कलाकारांनी महत्त्वाच्या भूमिका साकारल्या आहेत, ज्यामुळे कथेला गहिराई आणि विविधता प्राप्त झाली आहे. निर्मात्यांनी आणि निर्मिती संघाने चित्रपटासाठी मोठी तयारी केली असून, प्रेक्षक आणि समीक्षक यांच्याकडून अपेक्षा वाढल्या आहेत. काहींकडे हा चित्रपट मराठी सिनेसृष्टीसाठी आंतरराष्ट्रीय मानांकनाचा पुढचा पाऊल ठरू शकतो असा अंदाज व्यक्त केला जात आहे. ‘असा मी तशी मी’ हा चित्रपट प्रेमकहाणी, ग्लॅमर आणि भावना यांचा सुंदर संगम म्हणून 28 नोव्हेंबर 2025 रोजी प्रेक्षकांच्या भेटीला येणार आहे आणि ट्रेलरने आधीच प्रेक्षकांची उत्सुकता पोरटून टाकली आहे.
हेही वाचा :
पार्टी ऑल नाईट! 31st रात्रभर गाजणार; पब, रेस्टॉरंट पहाटेपर्यंत
१ जानेवारी २०२६ पासून ६ नियम बदलणार, कर्मचाऱ्यांपासून ते
घराच्या बाल्कनी आणि गॅलरीत कबुतरं येऊ नयेत यासाठी सोपे, मुघल