राज्यात गेल्या काही दिवसांपासून सुरू असलेल्या अवकाळी पावसाने शेती क्षेत्राला मोठा फटका बसला आहे. आठवडाभरापेक्षा अधिक काळ सुरू असलेल्या या पावसासोबत गारपिटीनेही अनेक भागातील पिकांचे नुकसान केले. विशेषतः आंबा, द्राक्ष, कांदा, मका, गहू आणि हरभरा या पिकांवर मोठा परिणाम झाला असून शेतकरी आर्थिक संकटात सापडले आहेत.
दरम्यान, अनेक दिवसांनी काही भागात अवकाळीचे प्रमाण कमी झाल्याचे (agriculture sector) दिसत असले तरी संपूर्णपणे पावसाने पाठ फिरवलेली नाही. हवामान विभागाने आजही काही ठिकाणी पावसाचा इशारा दिला आहे. दक्षिण महाराष्ट्रात विजांच्या कडकडाटासह पावसाची शक्यता वर्तवण्यात आली असून कोकणात उष्ण आणि दमट वातावरण राहणार आहे. ढगाळ वातावरणामुळे अनेक भागात उकाडाही वाढला आहे.
राज्यातील तापमानातही चढउतार होताना दिसत आहेत. महाबळेश्वर येथे नीचांकी 16.8 अंश सेल्सिअस तापमानाची नोंद झाली आहे. लातूर, सांगली आणि धाराशिव या भागात अजूनही विजांसह पावसाची शक्यता कायम आहे. या सततच्या पावसामुळे शेतकऱ्यांचे मोठ्या प्रमाणात नुकसान झाले असून पिकांचे उत्पादन घटण्याची भीती व्यक्त केली जात आहे.
धुळे जिल्ह्यात मार्चच्या अखेरीस (agriculture sector) आणि एप्रिलच्या सुरुवातीला झालेल्या अवकाळी पावसाने तब्बल 25 हजार शेतकऱ्यांच्या सुमारे 14 हजार 831 हेक्टरवरील पिकांचे नुकसान केले आहे. मका आणि कांदा पिकांवर याचा सर्वाधिक परिणाम झाला आहे. तसेच एप्रिलच्या सुरुवातीला झालेल्या गारपिटीमुळे 18 हजार 687 शेतकऱ्यांच्या 11 हजार 627 हेक्टरवरील पिकांचे नुकसान झाले असून त्यात गहू, हरभरा आणि कांद्याचा समावेश आहे. यासंदर्भातील अहवाल शासनाकडे पाठवण्यात आला आहे.
नाशिक जिल्ह्यातील निफाड तालुक्यातही वादळी वाऱ्यासह झालेल्या पावसाने द्राक्ष (agriculture sector) बागांना मोठा फटका बसला आहे. काढणीच्या अंतिम टप्प्यात असलेल्या द्राक्षांवर या पावसाचा परिणाम झाल्याने गुणवत्तेत घट झाली आहे. परिणामी द्राक्षांच्या दरात सुमारे 40 टक्क्यांची घसरण झाली असून द्राक्ष उत्पादक शेतकरी मोठ्या आर्थिक अडचणीत सापडले आहेत. एकूणच, अवकाळी पाऊस ओसरत असल्याचे संकेत मिळत असले तरी त्याचे परिणाम दीर्घकाळ जाणवण्याची शक्यता असून शेतकऱ्यांना तातडीच्या मदतीची गरज निर्माण झाली आहे.
हेही वाचा :
संतापजनक! सेवानिवृत्तीस आलेल्या शिक्षकाकडून तिसरीच्या वर्गातील विद्यार्थिनीवर अत्याचार
गर्लफ्रेंडसोबत हॉटेलवर गेला, शरीरसंबंध ठेवताना तरुणाचा मृत्यू; कारण ऐकून पोलिसही हादरले
युद्ध थांबलं तरी इराणमध्ये भयानक स्फोट! हादरवून टाकणारी नवी अपडेट समोर