भारत सरकारची सायबर सुरक्षा एजन्सी CERT-In (कॉम्प्युटर इमर्जन्सी रिस्पॉन्स टीम) ने व्हॉट्सअॅप (WhatsApp)युजर्ससाठी सुरक्षा अलर्ट जारी करण्यात आला. यासंदर्भात एजन्सीने स्पष्टपणे म्हटले आहे की, जर अॅप अपडेट केले नाही तर युजर्सला डेटा धोक्यात येऊ शकतो. काय दिला अलर्ट आणि काय काळजी घ्यावी लागेल ते जाणून घेऊया.
या संदर्भात CERT-In ने म्हटले आहे की, व्हॉट्सअॅपच्या(WhatsApp) iOS आणि macOS मध्ये एक गंभीर त्रुटी आढळली आहे. ही त्रुटी लिंक्ड डिव्हाइस हाताळणीशी संबंधित आहे. अहवालानुसार, जर एखादा हल्लेखोर या कमकुवतपणाचा फायदा घेत असेल तर तो युजर्संना बनावट किंवा दुर्भावनापूर्ण लिंक्सवर क्लिक करायला लावून त्यांच्या खाजगी चॅट्स आणि संवेदनशील डेटामध्ये प्रवेश करू शकतो.
२.२५.२१.७३ पेक्षा जुन्या iOS आवृत्त्यांसाठी WhatsApp
२.२५.२१.७८ पेक्षा जुन्या iOS आवृत्त्यांसाठी WhatsApp व्यवसाय
२.२५.२१.७८ पेक्षा जुन्या Mac आवृत्त्यांसाठी WhatsApp
या आवृत्त्या वापरणाऱ्या वापरकर्त्यांना सर्वात जास्त धोका आहे. CERT-In ने सल्ला दिला आहे की सर्व वापरकर्त्यांनी त्यांचे अॅप तात्काळ नवीनतम आवृत्तीमध्ये अपडेट करावे.
दुहेरी हल्ल्याचा धोका
CERT-In ने असेही म्हटले आहे की, ही भेद्यता केवळ धोकादायक आहे. परंतु जर ती दुसऱ्या Apple बग (CVE-2025-43300) सोबत वापरली गेली तर हल्लेखोर अधिक शक्तिशाली होऊ शकतात. याचा अर्थ हॅकर्सना वापरकर्त्यांचा डेटा चोरण्याचे अनेक मार्ग मिळतात.
सुरक्षित राहण्यासाठी काय करावे?
WhatsApp च्या नवीनतम आवृत्तीवर अपडेट करा. कोणत्याही संशयास्पद लिंकवर क्लिक करणे टाळा. अॅप पूर्णपणे अपडेट होईपर्यंत अज्ञात संदेश किंवा URL उघडू नका. सध्या, WhatsApp च्या मूळ कंपनी Meta कडून कोणतेही अधिकृत विधान आलेले नाही. दरम्यान, कंपनी सहसा सुरक्षेशी संबंधित समस्या लवकर सोडवते.
WhatsApp हे भारतातील कोट्यवधी युजर्सचे आवडते मेसेजिंग अॅप आहे. अशा परिस्थितीत, या सुरक्षा त्रुटीचा वापरकर्त्यांवर मोठ्या प्रमाणात परिणाम होऊ शकतो. सरकारच्या इशाऱ्याला हलके घेऊ नका आणि अॅप त्वरित अपडेट करा, अन्यथा तुमचे चॅट आणि वैयक्तिक डेटा धोक्यात येऊ शकतो.
हेही वाचा :
कोल्हापूरात खून; रिक्षाचालकाचा अर्धवट जळलेला मृतदेह सापडला…
मुख्यमंत्री देवेंद्र फडणवीस केंद्रात जाणार? भाजप नवीन जबाबदारी देण्याच्या तयारीत
आज सोनं झालं स्वस्त…वाचा 24 कॅरेटचे भाव