ऐन डिसेंबर महिन्यात इचलकरंजी बाजार समितीत कांद्याची आवक (Market)मोठ्या प्रमाणात घटल्याने दर झपाट्याने वाढले आहेत. सध्या कांद्याचे प्रतिकिलो दर जवळपास दुपटीने वाढल्याचे चित्र असून, त्याचा थेट फटका ग्राहकांच्या खिशाला बसत आहे. नवीन कांद्याची आवक अत्यल्प असल्याने जुन्या कांद्यालाच अधिक मागणी असून, त्यामुळे दर टिकून आहेत.सलग निवडणुका, नाताळ, थर्टी फर्स्ट आणि नववर्ष साजरे होणार असल्याने पुढील काही दिवसांत कांद्याचे दर आणखी वाढण्याची शक्यता व्यापाऱ्यांनी व्यक्त केली आहे. याचबरोबर भाज्यांची आवक मात्र वाढती असून, स्थानिक भागांसह कर्नाटकातून मोठ्या प्रमाणात भाजीपाला बाजारात दाखल होत आहे. ओल्या वाटाण्याची आवक चांगली असून फुलबाजारात निशिगंधाच्या दरात लक्षणीय वाढ झाली आहे. यंदा निवडणुकांमुळे लग्नसराई व मुहूर्त नसतानाही फुलांचा हंगाम चांगलाच बहरण्याची चिन्हे दिसत आहेत.
धान्यबाजारात ज्वारीच्या दरात तेजी आहे. फळबाजारात काचरा (Market)फळाची आवक समाधानकारक असून लोणच्यासाठी त्याला मागणी वाढली आहे. देशी आम्रफळ, गोड चिंच, ड्रॅगन फ्रूट, लिची, खजूर यांसारख्या परदेशी फळांची आवक भरपूर आहे. मात्र हंगामी स्ट्रॉबेरीची आवक नसल्याने ग्राहकांना वाढीव दर मोजावे लागत आहेत.दरम्यान, यंदा मुबलक प्रमाणात येणाऱ्या देशी संत्र्याची आवक मात्र लक्षणीयरीत्या घटली आहे. रस्त्यांवर दिसणारे हातगाडीवरील संत्री विक्रेतेही कमी झाले असून, मागील महिन्यात सुरू झालेली संत्र्याची आवक पुन्हा कोलमडल्याचे चित्र आहे. एकूणच कांद्याच्या दरवाढीने बाजार तापला असून, येत्या दिवसांत महागाईचा ताण (Market)आणखी वाढण्याची शक्यता व्यक्त केली जात आहे.
प्रतिकिलो रुपये – भाजीपाला : टोमॅटो- ३० ते ४०, दोडका- ६० ते ८०, वांगी -८० ते १००, कारली- ५० ते ६०, ढोबळी मिरची- ६० ते ८०, मिरची – ४० ते ५०, फ्लॉवर – ५० ते ६०, कोबी- २० ते २५, बटाटा – ३० ते ३५, कांदा -४० ते ५०, लसूण – ६० ते ८०, आले – ६० ते ८०, लिंबू – ३०० ते ४०० शेकडा, गाजर – ५० ते ६०, हिरवा वाटाणा – ७० ते ९०, बीन्स – ८० ते १००, देशी गवार – १२० ते १६०, वरणा – ६० ते ८०, भेंडी – ८० ते १००, देशी काकडी – ६० ते ८०, काटा काकडी – ३० ते ४०, दुधी – ५० ते ६०, कांदापात, मेथी -१५ ते २०, भाज्या -८ ते १० रुपये पेंढी, शेवगा -२५ ते ३० रुपये नग. फुले : झेंडू – ८० ते १००, निशिगंध – २०० ते २५० गुलाब – ३०० ते ३५० , गलांडा – १२० ते १५०, शेवंती – १५० ते २००. फळे : देशी सफरचंद – १५० ते १६०, विदेशी सफरचंद – ३०० ते ३५०, संत्री – १२० ते १५०, मोसंबी- ८० ते १००, डाळिंब – १५० ते ४००, चिकू- १२० ते १५०, पेरू – ८० ते १००, पपई- ३० ते ६०, मोर आवळा -१२० ते १५०, सीताफळ – १०० ते १५०, कलिंगड – १०० ते १२०, टरबूज -४० ते ६०, केळी – ४० ते ५० डझन, देशी केळी – ७० ते ८० डझन, किवी – १३० ते १५०, ड्रॅगन – १८० ते २००, चिंच- १०० ते १४०, राणी अननस – १२० ते १५०. खाद्यतेल : सरकी – १४५ ते १५०, शेंगतेल – १८० ते १९०, सोयाबीन – १४० ते १४५, पामतेल – १४० ते १४५, सूर्यफूल – १६० ते १६५. कडधान्य : हायब्रीड ज्वारी- ३५ ते ५५, बार्शी शाळू- ५० ते ६०, गहू – ३३ ते ४४, हरभराडाळ – ७२ ते ७५, तूरडाळ- ११० ते १२०, मूगडाळ -१०० ते ११०, मसूरडाळ – ८० ते ९०, उडीदडाळ – ११० ते १२० हरभरा- ७० ते ७५, मूग – ११० ते १३०, मटकी- १३० ते १५० मसूर- ७५ ते ८०, फुटाणाडाळ – ८५ ते ९०, चवळी- ९० ते १२०, हिरवा वाटाणा – १४०, छोला – १०० ते १३०.
हेही वाचा :
लिव्ह-इन रिलेशनशिप बेकायदेशीर नाही उच्च न्यायालयाचा मोठा निर्णय
नरेंद्र मोदींचा पंतप्रधानपदाचा राजीनामा? सोशल मीडियावर बातमीचा पाऊस
सुप्रसिद्ध अभिनेत्रीचा बाथरूम सेल्फी तुफान व्हायरल; फोटो पाहून चाहते थक्क