बिहारमधील बिहार राज्यातून एक अत्यंत दुर्दैवी घटना समोर आली आहे. समस्तीपूर जिल्हा येथील शिवाजीनगर प्रखंडात एकाच कुटुंबातील तिन्ही मुलांचा नदीत बुडून मृत्यू झाल्याने संपूर्ण परिसर शोकसागरात बुडाला आहे.
मिळालेल्या माहितीनुसार, ही घटना करेह नदी परिसरात घडली. (unfortunate incident) अंघोळ करण्यासाठी गेलेल्या या तिन्ही भावांनी बरियाही घाट पुलाजवळून नदीत उडी मारली. मात्र पाण्याची खोली आणि वेग यांचा अंदाज न आल्यामुळे तिघेही प्रवाहात अडकले. नदीचा वेग प्रचंड असल्याने काही क्षणातच ते तिघेही पाण्यात वाहून गेले. घटनेची माहिती मिळताच स्थानिक ग्रामस्थांनी घटनास्थळी धाव घेतली आणि तात्काळ पोलिसांना कळवण्यात आले. प्रशासनानेही तत्काळ हालचाल करत शोधमोहीम सुरू केली. गावकऱ्यांच्या मदतीने दोन मुलांचे मृतदेह बाहेर काढण्यात यश आले, तर तिसऱ्या मुलाचा शोध अद्याप सुरू आहे. सध्या एसडीआरएफची टीम नदीत शोधकार्य करत आहे.
ही तिन्ही मुलं परसा (unfortunate incident) पंचायतमधील बोरज गावातील रहिवासी असून ते सख्खे भाऊ होते. आदित्य कुमार झा (१५), हर्षनाथ कुमार झा (१३) आणि कार्तिक कुमार झा (११) अशी मृतांची नावे आहेत. त्यांच्या वडिलांचे नाव सुदर्शन झा असून एकाच दिवशी तिन्ही मुलांचा मृत्यू झाल्याने त्यांच्या कुटुंबावर दुःखाचा डोंगर कोसळला आहे. घरातील कर्ते आई-वडील आपल्या लेकरांच्या आठवणीत आक्रोश करत असून संपूर्ण गाव त्यांच्या दुःखात सहभागी झाले आहे. या घटनेमुळे परिसरात हळहळ व्यक्त केली जात असून स्थानिक प्रशासनाकडून नागरिकांना नदीकाठी जाताना अधिक सतर्क राहण्याचे आवाहन करण्यात आले आहे.
हेही वाचा :
लाडकी बहीणनंतर आता लाडकी विद्यार्थिनी योजना; दर महिन्याला ५०० रुपये मिळणार
चांगले दिवस आले रे…सोनं तब्बल 12000 रुपयांनी घसरलं, दागिने करण्याची हीच योग्य वेळ!