राजस्थानमधील बांसवाडा येथे खंडणी प्रकरणात एका शिक्षकाला (arrested) अटक करण्यात आल्याने मोठी खळबळ उडाली आहे. विकास कुमार कमोल नावाच्या या आरोपीने दोन व्यापाऱ्यांकडून तब्बल १ कोटी ४० लाख रुपयांची खंडणी मागितल्याचा आरोप आहे. विशेष म्हणजे, तो स्वतःला मोठा गुंड असल्याचे भासवत होता.
पोलीस (arrested) तपासात समोर आलेल्या माहितीनुसार, आरोपीने ३० मार्च रोजी एका व्यापाऱ्याच्या बंद दुकानाच्या शटरखालून खंडणीची चिठ्ठी सरकवली. त्यानंतर तो दुसऱ्या व्यापाऱ्याच्या फार्महाऊसवर गेला आणि तेथील कर्मचाऱ्याला धमकीचे पत्र दिले. त्या पत्रात त्याने ९० लाख आणि ५० लाख रुपयांची मागणी करत पैसे न दिल्यास कुटुंबीयांना व मालमत्तेला हानी पोहोचवण्याची धमकी दिली होती.
या घटनेमुळे घाबरलेल्या दोन्ही (arrested) व्यापाऱ्यांनी ३१ मार्च रोजी पोलिसांकडे धाव घेतली. त्यानंतर पोलिसांनी तातडीने तपास सुरू करत सुमारे ३०० सीसीटीव्ही फुटेज तपासले. तपासादरम्यान आरोपीच्या हालचालींवर बारकाईने लक्ष ठेवण्यात आले आणि पुरावे गोळा करण्यात आले. शेवटी ठोस पुराव्यांच्या आधारे पोलिसांनी आरोपीला ताब्यात घेतले आणि चौकशीनंतर अटक केली.
चौकशीत धक्कादायक माहिती समोर आली. आरोपी हा शासकीय शाळेत इयत्ता (arrested) दुसरीला गणित शिकवणारा शिक्षक असून ऑनलाइन गेमिंगमध्ये लाखो रुपये गमावल्यामुळे तो कर्जाच्या मोठ्या ओझ्याखाली दबला होता. सावकारांचा वाढता दबाव सहन न झाल्याने त्याने गुंड असल्याचे नाटक करत व्यापाऱ्यांना धमकावून पैसे उकळण्याची योजना आखली होती. या प्रकरणामुळे ऑनलाइन गेमिंगच्या व्यसनाचे गंभीर परिणाम पुन्हा एकदा समोर आले असून, समाजातही याबाबत चिंता व्यक्त केली जात आहे.
हेही वाचा :
लाडकी बहीणनंतर आता लाडकी विद्यार्थिनी योजना; दर महिन्याला ५०० रुपये मिळणार
चांगले दिवस आले रे…सोनं तब्बल 12000 रुपयांनी घसरलं, दागिने करण्याची हीच योग्य वेळ!