राजस्थानची राजधानी जयपूर येथील एका प्रसिद्ध नाईट क्लबमध्ये(nightclub) पतीसोबत गेलेल्या महिलेला अत्यंत भयानक अनुभवाला सामोरे जावे लागले. क्लबच्या मालकाने दिलेली अश्लील ऑफर नाकारल्यामुळे चिडलेल्या कर्मचाऱ्यांनी आणि मालकाने मिळून या दाम्पत्यावर जीवघेणा हल्ला केला. या घटनेने क्लब संस्कृतीमधील महिलांच्या सुरक्षेचा प्रश्न पुन्हा एकदा ऐरणीवर आला असून पोलिसांनी गुन्हा दाखल केला आहे.१० डिसेंबरच्या मध्यरात्री अशोक नगर भागातील ‘क्लब अल्फा’ मध्ये ही घटना घडली . झोटवाडा येथील रहिवासी असलेली पीडित महिला आपल्या पतीसह जेवण्यासाठी तेथे गेली होती.
जेवण सुरू असतानाच एका वेटरने त्यांच्या टेबलावर येऊन एक कागद ठेवला, (nightclub) ज्यावर क्लबचा मालक भरत टांक याचा फोन नंबर लिहिलेला होता. मालकाला तुम्हाला ‘प्रायव्हेट रूम’ मध्ये भेटायचे आहे, असा निरोप वेटरने दिला. महिलेने हे अनपेक्षित निमंत्रण तातडीने धुडकावून लावले. मात्र, क्लबच्या व्यवस्थापनाकडून पद्धतशीरपणे महिलांशी संपर्क साधण्याचे हे एक मोठे रॅकेट असावे, असा संशय या कृत्यामुळे निर्माण झाला. तक्रारीनुसार, सहमती नसताना अशा प्रकारे खासगी खोलीत बोलावणे हे केवळ महिलेच्या प्रतिष्ठेला धक्का देणारे नसून क्लबच्या गैरव्यवहारांकडे इशारा करणारे आहे.
थोड्या वेळाने महिला वॉशरूमच्या दिशेने जात असताना मालक (nightclub) भरत टांक, मॅनेजर दीपक आणि काही बाऊन्सर्सनी तिला अडवले. तेथे तिच्याशी अश्लील चाळे करण्याचा प्रयत्न झाला, ज्याला तिने कडाडून विरोध केला. पत्नीचा आरडाओरडा ऐकून तिचा पती मदतीसाठी धावून आला असता, आरोपींनी त्याच्यावर तुटून पडत त्याला बेदम मारहाण केली. या भीषण हाणामारीत तरुणाचा पाय दोन ठिकाणी मोडला असून आरोपींनी त्यांच्या गाडीचेही नुकसान केले.जखमी पतीला तत्काळ एसएमएस हॉस्पिटल मधील ट्रॉमा सेंटरमध्ये हलवण्यात आले आहे. याप्रकरणी अशोक नगर पोलीस ठाण्याचे एसीपी बलराम चौधरी यांनी सांगितले की, सीसीटीव्ही फुटेज आणि आरोपींचे कॉल डिटेल्स तपासले जात आहेत. क्लब अल्फाच्या संपूर्ण टीमविरुद्ध गुन्हा नोंदवण्यात आला असून पोलीस या गंभीर गुन्ह्याचा सखोल तपास करत आहेत.
हेही वाचा :
जबरदस्त योजना! फक्त व्याजातून मिळणार २.५० लाख रुपये; गुंतवणुकीचं कॅल्क्युलेशन वाचा
‘महानगरपालिका जानेवारी महिन्यात तर जिल्हा परिषद निवडणुका…’; भाजपच्या बड्या नेत्याचे
बाप की हैवान! सावत्र बाप लेकीच्या छातीला स्पर्श करायचा, मिठ्या मारायचाEditEdit