20 फेब्रुवारी 2026 रोजी देशभरातील पेट्रोल आणि डिझेलच्या किमतीत मोठा (diesel) बदल झालेला नाही. दररोज सकाळी 6 वाजता तेल कंपन्यांकडून इंधनाचे नवीन दर जाहीर केले जातात. आजही बहुतांश शहरांमध्ये दर स्थिर असल्याने वाहनधारकांना काही प्रमाणात दिलासा मिळाला आहे. आंतरराष्ट्रीय बाजारात कच्च्या तेलाच्या किंमतीत चढ-उतार सुरू असले तरी देशांतर्गत दरांवर त्याचा मोठा परिणाम झालेला दिसत नाही.गेल्या काही महिन्यांपासून इंधन दर स्थिर ठेवण्याचा प्रयत्न करण्यात येत आहे. महागाईवर नियंत्रण ठेवणे आणि वाहतूक खर्च वाढू न देणे हा यामागील प्रमुख उद्देश असल्याचे मानले जाते.
आज मुंबई येथे पेट्रोलचा दर 103.50 रुपये प्रति लिटर असून (diesel)कालच्या तुलनेत केवळ 4 पैशांची घट झाली आहे. दिल्ली मध्ये पेट्रोल 94.77 रुपये प्रति लिटर दराने उपलब्ध आहे. बेंगलुरू येथे 102.55 रुपये, तर पटना येथे 105.23 रुपये प्रति लिटर असा दर आहे. कोलकाता आणि चेन्नई येथे दर स्थिर आहेत. डिझेलच्या दरातही विशेष बदल झालेला नाही. मुंबईत डिझेल 90.03 रुपये प्रति लिटर, दिल्ली 87.67 रुपये, चेन्नई 92.48 रुपये, कोलकाता 92.02 रुपये, बेंगलुरू 90.65 रुपये आणि पटना 91.49 रुपये प्रति लिटर दराने विकले जात आहे. बहुतांश शहरांमध्ये दर स्थिर राहिल्यामुळे वाहतूक क्षेत्राला काहीसा दिलासा मिळाला आहे.
मे 2022 नंतर केंद्र आणि राज्य सरकारांनी केलेल्या कर कपातीमुळे(diesel) इंधन दर तुलनेने स्थिर राहिले आहेत. पेट्रोल-डिझेलच्या अंतिम किमती ठरवताना तीन प्रमुख घटक महत्त्वाचे ठरतात. जागतिक बाजारातील कच्च्या तेलाची किंमत, डॉलरच्या तुलनेत रुपयाची स्थिती आणि केंद्र व राज्य सरकारांचे कर एक्साईज ड्यूटी व VAT.आंतरराष्ट्रीय बाजारात तेलाचे दर वाढले किंवा घटले तरी कर संरचना आणि सरकारी हस्तक्षेपामुळे घरगुती बाजारात मोठे चढ-उतार दिसून येत नाहीत. त्यामुळे सध्या तरी वाहनधारकांसाठी इंधन दर स्थिर राहिल्याचे चित्र आहे.
हेही वाचा :
इचलकरंजीत मित्रांकडून मित्राची निर्घृण हत्या; वडिलांना शिवीगाळ केल्याच्या रागातून टोकाचा निर्णय
सावधान! १ एप्रिलपासून ‘हे’ ५ मोठे नियम बदलणार; तुमच्यावर काय परिणाम?