राज्यातील हवामानात पुन्हा एकदा मोठा बदल पाहायला मिळत (warning)असून 20, 21 आणि 22 फेब्रुवारीदरम्यान पावसाची शक्यता वर्तवण्यात आली आहे. गेल्या काही दिवसांपासून कधी कडक ऊन तर कधी ढगाळ वातावरण अशी परिस्थिती निर्माण झाली आहे. या पार्श्वभूमीवर भारतीय हवामान विभाग यांनी महत्त्वाचा इशारा दिला आहे. राज्यातील काही भागांत हलक्या सरी तर काही ठिकाणी ढगाळ वातावरण राहण्याचा अंदाज व्यक्त करण्यात आला आहे. मागील आठवड्यापासून थंडीचा प्रभाव कमी झाला असून उन्हाची तीव्रता वाढू लागली आहे. सकाळी किंचित गारवा जाणवत असला तरी दुपारच्या वेळी तापमानात वाढ होत आहे. हवामानातील या सततच्या बदलामुळे नागरिकांमध्ये संभ्रमाचे वातावरण आहे. त्यातच वाढत्या प्रदूषणामुळे आरोग्याच्या समस्या देखील डोके वर काढताना दिसत आहेत.
राजधानी मुंबई मध्ये सध्या वायू प्रदूषण गंभीर पातळीवर पोहोचले आहे. (warning)वातावरणात धुळीचे कण मोठ्या प्रमाणावर असल्याने दृश्यता कमी झाली आहे. अनेक नागरिकांना श्वसनास त्रास होत असून सर्दी, खोकला आणि अॅलर्जीचे प्रमाण वाढल्याचे चित्र आहे. वाढत्या प्रदूषणामुळे मास्क वापरण्याची वेळ नागरिकांवर आली आहे. प्रशासनाकडून प्रदूषण नियंत्रणासाठी उपाययोजना सुरू असल्याचे सांगितले जात असले तरी परिस्थिती चिंताजनकच आहे.
हवामानातील बदल आणि प्रदूषण यांचा दुहेरी परिणाम आरोग्यावर होत आहे. (warning) तज्ज्ञांच्या मते, तापमानातील चढ-उतारामुळे संसर्गजन्य आजारांचा धोका वाढू शकतो. त्यामुळे नागरिकांनी आवश्यक ती खबरदारी घेण्याचे आवाहन करण्यात येत आहे. IMD च्या अंदाजानुसार, राज्यातील काही भागात 20 ते 22 फेब्रुवारीदरम्यान ढगाळ वातावरण राहण्याची शक्यता आहे. जेऊर येथे 14.5 अंश सेल्सिअस इतके नीचांकी तापमान नोंदवण्यात आले. दिवसभर तापमानात चढ-उतार होत असल्याने हवामानाचा अंदाज सतत बदलताना दिसत आहे.
दरम्यान, 22 फेब्रुवारी रोजी केरळ आणि तामिळनाडू येथे वादळी वाऱ्यासह पावसाचा इशारा देण्यात आला आहे. तसेच हिमाचल प्रदेश मध्येही पावसाची शक्यता वर्तवण्यात आली आहे. फेब्रुवारी महिन्यात देशभरात वेगवेगळ्या ठिकाणी वेगवेगळे हंगामी स्वरूप पाहायला मिळत असून काही भागात थंडी, काही ठिकाणी उन्हाचा चटका तर काही राज्यांत पावसाचा प्रभाव दिसून येत आहे. नागरिकांनी हवामान खात्याच्या सूचनांकडे लक्ष देऊन आवश्यक ती काळजी घेणे गरजेचे आहे
हेही वाचा :
इचलकरंजीत मित्रांकडून मित्राची निर्घृण हत्या; वडिलांना शिवीगाळ केल्याच्या रागातून टोकाचा निर्णय
सावधान! १ एप्रिलपासून ‘हे’ ५ मोठे नियम बदलणार; तुमच्यावर काय परिणाम?